Brynsukot

oooolrætíþenn

2007-03-27T15:25:00.000Z

já ég ætla bara að skella mér yfir á blog.is.. þar er slóðin www.magidapokus.blog.is og munið að setja að í feivurits. ;)

blogg smogg

2007-03-26T17:32:00.000Z

ég er mikið að spá í að breyta um blogg, ég veit að ég gerði nokkuð af því hér á árum áður, nema hvað að mig langar í blogg sem ég get gert meira við t.d. sett inn video eða lög... ég þarf aðeins að hugsa þetta og skoða hvað er í boði áður en ég fer að hætta hérna.

bara allt að gerast

2007-03-17T20:05:00.000Z

já ég er búin með síðasta prófið mitt í kennó... ja nema ég falli en hva... já og svo erum við búin að selja!! nokkuð gott ekki satt?

Árshátíð ótrúlegt stuð

2007-03-11T21:08:00.000Z

Glæsilegar meyjar

Brjálað stuð á dansgólfinu

Björgvin Frans flottur

Ótrúlega fyndið hvað Hemmi var í góðu stuði ;)

Verið að klappa og fagna Haffa "ég er eins og ég er"

hvað er að gerast á þessari mynd??

Blómin fyrir Höllu

Eins gott fyrir ykkur að passa upp á þetta!

2007-03-08T14:45:00.001Z

Uppákoma í Laugum

íbúðin er komin á sölu

2007-03-04T15:11:00.000Z

Íbúðin okkar er komin á sölu, og hægt er að sjá hana á mbl.is. Fyrir þá sem ekki vita hvar ég á heima, ja þeir verða bara að giska ;@)
og því af gefnu tilefni vil ég biðja Selfossinga um að hafa augun opin fyrir leiguhúsnæði handa mér og mínum, 3-4 herbergja, helst með garði og á viðráðanlegu verði til eins ár eða rúmlega það. Einnig má sama fólk segja mér hvaða leikskóla ég á að setja Matthías á, Nú svo vantar mig einnig vinnu á einhverjum frábærum leikskóla! Ég bið nú ekki um lítið, eða hvað ;@)

klikkaðir trúðar

2007-03-02T11:06:00.000Z

það var keilukvöld kennó í gær. mjög mjög gaman þrátt fyrir að bestu búningakeppnin væri svolítið skrítin... en allavega við vorum trúðar, nota bene var ég trúðurinn í grænu skyrtunni þið getið séð myndir af keilukvöldinu hérna inni www.skhi.is undir myndir. Svo er bara árshátíð í næstu viku það verðu nú svaka stuð !

en ég virðist ekki geta sett myndir hér inn né seifað þessar myndir svo forvitnin verður að reka ykkur áfram. http://www.skhi.is/?s=13&m=&myndID=6371 hér er samt ein góð af okkur öllum ;)

sko

2007-02-28T14:50:00.000Z

okei ég veit að það er nú nokkuð síðan að ég bloggaði en hér hafa bara verið meiri veikindi og svo fór tölvan aftur í viðgerð!!

enhú þá langaði mig bara til að koma einu á framfæri, þetta sem ÉG setti inn á saumóbloggið okkar.. já já þeir vita hvað ég á við sem málið varða. Þá var málið það að sá sem málið varðaði sagði þetta yfir hóp af fólki!! það fylgdi engin leindó skilaboð með þessu svo ég taldi þessa einstaklinga bara með eins og alla hina sem ég var að telja upp. Ég hafði ekki hugmynd um að ég væri að brjóta einhvern trúnað. Ég vil bara biðjast afsökuna en ég endurtek það þó að ef ég hefði vitað að þetta væri eitthvað sem ekki mætti fréttast hefði ég nú ekki sett þau í þessa upptalningu. En jæja, það verður bara að hafa það !! Eða hvað?

hehe ótrúlega óskiljanlegt fyrir þá sem ekkert vita.. en þannig er nú það

Vítamín...

2007-02-15T16:14:00.000Z

Rétt eins og á velflestum þeim heimilum sem ég hef komið inn á má finna í eldhússkápum ýmiskonar vítamín kokteila, en trúlega er allra algengast að til sé lýsi í töflu eða vökvaformi á heimilinu. Þannig er oftast einnig farið í mínum eldhússkápum, en spurningin er samt hversu mikið gagn er þetta vítamín sull að gera okkur?
Jæja ég fór í búð í gær og keypti mér vítamín, svokallaða "Heilsu tvennu" frá Lýsi. Ég las ekkert utan á pakkan en áðan las ég það sem þar stendur. Þar eru ýmiskonar staðreyndir skrifaðar og það er ekkert verið að fela þær neitt.
Hver skammtur, sem samanstendur af einni vítamín töflu og einni lýsistöflu, innihaldi fjölvítamín, steinefni og að vítamíntaflan sé nú öflugri en áður. Ég las aðeins áfram og sé þá að það eru frekar áhugaverð hlutföll af vítamínunum í hylkinu, sem dæmi má nefna að það er 147% af ráðlögðum dagskammti af Pýrídoxín sem er B6 vítamín, það er 150% af B- 12 vítamíni og það er 167% af ráðlögðum dagsskammti af Sinki. Prósentan er miðuð út frá ráðlögðum dagsskammti fyrir 11 ára og eldri.
Því næst las ég um innihaldið í lýsistöflunni, þar er nefnt að sé þrjú efni tvö tilheyra lýsinu en þar er E vítamín, sem bætt er í lýsið. Þá verður mér litið á tvær litlar stjörnur sem eru við magnlýsinguna á E-vítamíninu og sé þá að samkvæmt manneldisráði þá eru í þessum heildar skammti af Vítamíni og lýsi u.þ.b. 120% af ráðlögðum dagskammti af E vítamíni.

Þetta þótti mér frekar undarlegt, hvers vegna er verið að gefa manni eitthvað sem er rúmlega daglega þörf?

Nú verð ég að viðurkenna að ég man ekki hvaða vítamín eru vatnsleysanleg og hvað vítamín það eru sem gjörn eru á að valda eitrunum í miklu magni svo að ég prófaði bara að gúggla þessi vítamín.
Um E- vítamín.. þá fann ég þessa fræðandi grein frá landlæknisembættinu, í henni stendur meðal annars að dagskammturinn sé ekki nema 8 mg þó það standi að það sé 10 mg utan á pakkningunni. Ennig að engar rannsóknir sýni fram á gríðarlega forvarnarhæfni þess að gleypa of mikið af e-vítamíni. En þegar ég las þessa grein hér á Doktor.is kom í ljós tilgangur E vítamínsins í lýsinu, það var ekki fyrir hag okkar neytenda heldur virkar það eins og þrávarnarefni. En þá stendur enn spurningin hversvegna er ekki bara 80% af daglegum skammti í vítamín hylkinu og svo síðustu 20% í lýsinu?
Um B6 fann ég.. að það er vatnsleysanlegt og því fer umfram magn út með þvagi, þó geta eitranir komið fram ef það er tekið mjög mjög mikið magn í langan tíma, í raun virðist það vera sniðugt að hafa of mikið af þessu vítamíni í þar sem það eykst þörfin fyrir það hjá konum sem taka pilluna og hjá fólki sem er undir álagi af einhverju tagi. Konur sem finna fyrir fyrirtíðarspennu ættu einnig að taka inn B6 vítamín. Þessar upplýsingar eru héðan af Doktor.is
Um B- 12 fann ég.. að nánast ómögulegt er að taka of stóra skammta af því, og það finnst nánast eingöngu í dýraafurðum. Þetta er mjög mikilvægt vítamín sem hjálpar líkamanum við að endurnýja sjálfan sig. þessar upplýsingar eru lika af doktor.is
Um sinkið fann ég.. að það hjálpar líkamanum við að byggja upp sjálfan sig og flýtir fyrir því að sár gróa og annað. Ofskömmtun er sjaldgæf en það getur haft áhrif á járnið í líkamanum að taka of mikið af sinki. Þetta er líka tekið af Doktor ef þið skiluduð vera að spá í því.

En þá er það komið á hreint að þetta er bara svona alltílagi að það sé of mikið nema kannski ef væri E- vítamínið... en það er ágætt að skoða stundum það sem maður er að láta ofan í sig...

2007-02-14T13:15:00.000Z

www.hjalpumsilviu.com

Fleiri fréttir

2007-02-12T20:49:00.000Z

Hér í Grafó er nú lífið svo sannarlega ekki rólegt. Hér gerist hver æsispennandi hluturinn á fætur öðrum.
T.d. berjumst við fjölskyldan við ósvífinn þjóf í bílageymslunni, hann hefur ekki eingöngu stolið af okkur svömpum, bílasápu og tjöruhreinsi heldur einnig heilu kartoni af klósettpappír. Við höfum þó geðilla Litháan sterklega grunaðan, en ekki af því að hann er Lithái heldur því að hann er ávallt frekar geðillur út í okkur, og einnig vegna þess að mér finnst fólk sem bónar bílinn sinn með borvél grunsamlegt.

Annar æsispennandi atburður gerðist áðan þegar Jón Óli hringdi í mömmu sína eftir snúðauppskrift. "því þeir eru miklu betri en snúðarnir í Reykjavík" (vitnað beint í símtalið við tengdamóður mína) Jæja flestir sem mig þekkja vita að mér finnst mjög gaman að elda, (skemmtilegra þó að borða en það er önnur ella) já en bakstur er ekki eins vinsæll hjá mér, ásamt því sem ég strengdi þess heit fyrir uþb 2 árum að baka aldrei aftur kanils snúða. Sumpart því að þeir standast als ekki væntingar hjá manni sem finnst mömmu snúðar bestir. Það sem gerir þessa baksturs aðfarir hans Jóns svona spennandi eru sífelldar hringingar til tengdó (sem er á kóræfingu á Hellu) til að spyrja spurninga eins og "hvað er tvö til þrjú egg mikið í alvörunni?" "hræriru í hrærivél eða geriru holu í hveiti á borðinu" "má nota heilhveiti í uppskriftina á móti hveitinu" "má nota létt ab mjólk á móti súrmjólkinni" og svo framvegis. Síðustu spurningarnar eru sprottnar af því að áður en hafist var handa við baksturinn athugaði hann ekki hvað af efninu væri til í skápunum hérna og þegar leið á efnablöndunina kom í ljós að ekki var til lyftiduft á heimilinu, rétt eins og ónóg súrmjólk og lítið af hvítu hveiti. Svo hann skondraðist yfir til nágrannana (ekki klikkaða litháans þó) og fékk nokkrar teskeiðar af lyftidufti lánað.

Svo er það aðalfréttin, stóratburður sem mun gerast á laugardaginn næsta, því að þá er einmitt 4 ára trúlofunar afmæli okkar Jóns Óla og 8 ára sambandsafmæli.. þar hafi þið það...

af mér og mínum

2007-02-10T20:07:00.000Z

Matthíasi er að batna, fyrsti alvöru hitalausi dagurinn í dag á degi 7 síðan hann veiktist. Uppistaðan í fæðu hans síðustu vikuna hefur verið íspinnar og skyr, en augljóst var að hann væri að ná heilsu þegar hann bað um MAT í gær. Hann hefur einnig horft gríðalega mikið á sjónvarp undanfarna daga enda var ég svo ljúf og góð og keypti fyrir hann cartoon network, og jetix. Grey strákurinn er ekki bara lasinn heldur á góðri leið að fá kassa-augu!

Jón Óli er farinn á fyllerí... þorrablót að Laugarvatni, held að ég þurfi nú ekkert að hafa fleyri orð um það neitt,

Ég er búin með fyrsta hlutan í síðasta vettvangsnáminu mínu, þrátt fyrir að hafa ekki getað mætt mikið sökum veikinda Matta.
Ég er líka yfir mig hrifin af stígvélum sem ég keypti mér áðan, ég fékk þau ásamt svörtum spariskóm á heilar 6000 krónur íslenskar.
Ég legg nú bara ekki meira á ykkur.

Happy happy joy joy

2007-02-07T11:00:00.000Z

Hér á þessu heimili er allt í hershöndum, ekki bara er verið að reyna að klára vegginn heldur skellti Matti sér bara í flensuna frá og með sunnudegi og er enn með hita. En í gær gekk hann nærri fram af mér þegar kom í ljós að hann er með njálg!!! JUKKKK *hrollur* svo í morgun þurfti öll fjölskyldan að taka njálglyf janfnvel þó að eingöngu einn meðlimur væri með njálg og svo var ALLT tekið og skrúbbað, þrifið og sótthreinsað. Það er varla möguleiki á öðru en hann hafi fengið þetta í leikskólanum svo að þær voru ekkert smá ánægðar þegar ég hringdi í morgun til að láta þær vita að það væri njalli sem léki lausum hala í leikskólanum. Bara ykkur til fræðslu og yndisauka þá er hér nokkrar greinar um njálg; hér hér hér og hér (ég fæ sko eiginlega hroll í hvert skipti sem ég skrifa orðið njálgur)

ömurlegt!!!

2007-02-04T20:08:00.000Z

ég fór að skemmta mér í gær og það sem kemst næst því að lýsa líðan minni í dag er mitt á milli þessara mynda!

abrakadabra ný tölva!

2007-02-03T01:01:00.000Z

Eitt!
Nei ekki alveg ný en svo til, tölvan var nefnilega að koma úr yfirhalningu sem byrjaði á því að ég fór að kaupa nýjan straumbreyti og seinna um daginn var tölvan komin í viðgerð og endaði á nýjum hörðum diski, stærri en sá fyrri, svo til ný vifta þar sem hin hafði verið óstarfhæf vegna þykks ryklags og að sjálfsögðu nýjum straumbreyti. Og kostaði mig ekki krónu með gati þar sem sú tilviljun var að tölvan var enn í ábyrgð.
Annað!
verð að benda á svoldið sniðugar síður þar sem hægt er að horfa á ýmsa þætti og myndir sem í boði eru í sjónvarpi og bíóhúsum dagsins í dag. Það eru síðurnar http://www.alluc.org/alluc/ og http://tv.peekvid.com/
Eitt enn!
Finnst skrítið þegar að fólk úti í bæ er að blogga um fréttir á mbl og svo kíkir maður þar inn og þar eru bara myndir af þeim að kúra uppí sófa með börnunum eða standa og láta taka mynd af sér með allt í drasli á bak við sig.. sko ég veit að ég set myndir hér inn en ég er ekki að linka á mest lesna vef landsins og það á forsíðufrétt... eða hvað er þetta kannski það sama??? Kannski er munurinn líka sá að ég ígrunda það nú nokkuð hvaða myndir fara hingað inn... og talandi um myndir, best að skella einni af mínum hárprúða súperman, hingað inn ykkur til ánægju og yndisauka ;)

okei okei ..sko

2007-01-26T00:28:00.000Z

okei sko ég get ekki sofnað fór á netið og endaði hér.
Ég var sko í saumó/kjaftó/étó þar sem aðeins tvennt síðast nefnda var rétt. En já og ég sem ekki er búin að drekka koffín, né reykja í ár og ekki búin að borða nánast neinn einasta sykur í eina og hálfa viku, leyfði mér það í tilefni af kjaftó að borða það sem í boði var. Og vitið þið bara hvað, ég er búin að vera í þvílíku sykur sjokki, ég sko er eins og eftir tíu kaffibolla. Crapadildo sko hvað er maður að láta ofaní sig á þessum síðustu og verstu. Ég er sko eins og teiknimyndafígúra "éggetsvosvariðþa" (á innsoginu) blikka varla augunum og get varla skrifað á lyklaborðinu því að ég er hreyfi puttana svo hratt að þeir hitt helst ekki á rétta takka....

annars gengur allt bara vel í you know what, og að halda mig á strikinu hjá you know who..... þannig að þetta er allt í bullandi gangi bara og ég bara er á beinni línu niður.. veit reyndar ekki hvað you know who segir á morgun þegar ég fer í you know what.

Eitt enn paranojaðasta kona sem ég hef heyrt af varðandi slys á börnum og allt það er að verða með fyrirlestur/námskeið á starfsdegi á morgun SPENNANDI. Og í kjölfarið AFHVERJU ER EKKI SKILDA FYRIR KENNARA AÐ LÆRA SKYNDIHJÁLP?????

og að lokum ég held að ég muni dreyma Guðmund í Byrginu, við ræddum um hann og hans aðfarir í bóli sem og fjármálum í étó áðan, svo var ég aðskoða póstinn minn og viti menn þar var afturendinn á honum líka (sem flest ykkar eruð væntanlega búin að fá frá mér núna). Og ekk nóg með það heldur fer ég bæði á www.69.is (sem er ekki kynlífssíða, kíkiði bara) og www.b2.is og þar var ekkert nema lille venen til sýnis. Hvörslags er þetta eiginlega, maður gæti þekkt Ironman rassin bara úr lineup!!!!

ég verð að fara að sofa í hausinn á mér og dreyma fallega drauma um Herdísi og Iron man, gott ef ég bæti ekki you know who bara inn í drauminn líka og þá verður þetta ágætis súrelísk súpa ;)

HM í Handbolta!!

2007-01-24T18:24:00.000Z

Ójá HM æðið hefur náð tangarhaldi á mér, og ég æpi og öskra hér yfir leiknum rétt eins og ég sé í höllinni sjálfri. Ég fór svo í sigurvímunni eftir leikinn að kíkja á Í blíðu og stríðu síðuna ég mæli sérstakleg með því að lesa bloggið hans Vignirs. Guðjón Valur og Einar Örn blogga líka en aðalega samt um prumpu og kúkafýlu... hehe það er samt svoldið skondin sambúð hjá þessum mönnum.

Svo er það bara Pólland á morgun klukkan 17:30... koma svo ÁFRAM ÍSLAND ... eða hvað ;)

Ef heimurinn....

2007-01-22T17:45:00.000Z

Lára er búin að vera í smá tilvistarkreppu útaf ríkum plebbum á íslandi og þá er kannski sniðugt að lesa smá svona!!!
Ef heimurinn væri 100 manna þorp á Íslandi, þá væru:
57 asískir.
21 evrópskur.
14 amerískir.
8 afrískir.
52 konur.
48 karlar.
70 dökkir.
30 hvítir.
89% gagnkynhneigðir.
11% samkynhneigðir.
6 manns myndu eiga 59% öllum auði þorpsins og allir væru þeir fráBandaríkjunum.
80 myndu búa við slæm lífsskilyrði.
70 myndu vera ómenntaðir.
50 væru vannærðir.
1 ætti tölvu.
1 (aðeins einn!) myndi hafa æðri menntun.
Þegar þú lítur á heiminn frá þessu sjónarhorni, getur þú séð að íheiminum er virkileg þörf á samstöðu, skilningi, þolinmæði ogmenntun.
Veltu því einnig fyrir þér að:
Ef þú vaknaðir með fulla heilsu í morgun, ertu lánsamari en sú einmilljón jarðarbúa sem mun ekki lifa af næstu viku.
Ef þú hefur aldrei þurft að búa við styrjaldarátök, þá tortímandikvöl sem fylgir innilokun í fangaklefa, eða hungur, ertu lánsamari en 500 milljónir manna í heiminum.
Ef þú getur farið í kirkju (eða mosku) án ótta við fangelsun eðadauða ertu lánsamari en 3 milljónir manna í heiminum.
Ef það er matur í ískápnum þínum og þú átt föt og skó, átt rúm og þakyfir höfuðið, ertu ríkari en 75% mannkyns!
Ef þú átt bankareikning, peninga í veskinu þínu og smáaura í bauknum,tilheyrir þú þeim 8% af fólki í heiminum sem telst vera að gera þaðgott!
Ef þú gast lesið ofangreint býrðu við þrefalda blessun því að:Einhver hugsaði til þín;þú tilheyrir ekki þeim 200 milljónum manna sem kunna ekki að lesa,og ... þú átt tölvu!
Einsog einhver sagði einhverntímann:
Sinntu starfi þínu einsog þú þarfnist ekki peninganna.
Elskaðu einsog þú hafir aldrei verið særð(ur).
Dansaðu einsog enginn sjái til þín.
Syngdu eins og enginn geti heyrt til þín.
Lifðu, einsog jörðin sé himnaríki.
Byrjaðu nú að lifa lífinu og hættu að hafa áhyggjur.

spælingar pælingar

2007-01-20T23:07:00.000Z

Eftir því sem Matthías eldist finnst mér alltaf magnaðara og magnaðara að þessi mannvera sé búin til af tveim frumum. Þegar hann leggst í gólfið og grætur yfir því að hann geti ekki tekið upp perlurnar, eða þá þegar honum tekst að koma orðunum "mamma komdu á fætur það er kominn dagur" sí endurteknum fyrir klukkan 7 á morgnanna, um miðjan janúar. Þá verð ég alltaf jafn hissa á því að barnið sé í raun 50% ég.
En einnig hversu magnað það sé að maður geti liggur við mótað þessi börn eins og leir ef þannig liggur á manni. Því að þrátt fyrir að manni þyki barnið sitt vera óttalega óþekkt, frekt og á stundum langi manni til að skilja það bara eftir í búðinni þá er það samt svo margt sem þau gera nákvæmlega eins og maður vill að þau geri. Eiginlega of mikið eins og maður vill að þau geri!
Dæmi um þetta er að Matta þykir fátt skemmtilegra en að syngja, og lög eins og Ríðum ríðum rekum yfir sandinn, nú skulum við syngja hvað við heitum, og stórslagarinn hermaður og dóttir hans..( sem ég hef ekki hugmynd um hvað er og óska því eftir bæði lagi og texta) óma hér um íbúðina frá því drengurinn opnar augun og þar til hann lokar þeim á kvöldin. Hann hefur einnig þann leiða vana að syngja mjög hátt, eiginlega svo hátt að um hádegi er hann hættulega nálægt því að verða hás. En eina helgina lá frekar illa á mér og ég þrábað hann um að hætt að góla svona. Að vakna við "grottning ledir grösulinn miiihinnn grjúgur verdur sídasti áfanghinnn" fyrir 7 á sunnudegi var ekki á dagskránni og fór ég því öfugu megin framúr þann daginn. Hann hlýddi mér þó ekki frekar en fyrri daginn og söng allt hvað af tók sama hversu langt brúnin á mér seig og þegar ég nánast tapaði mér í geðilskunni og sagði honum að það væri með öllu bannað að syngja innan íbúðarinnar, stoppaði hann ekki heldur, hann lækkaði sig í 5 mínútur um nokkur desibil. En fljótlega drifum við okkur þó út og hann gat þar sungið í friði fyrir mér. Jæja, þrátt fyrir að hann hafi ekki hlýtt mér þennan daginn, þá hefur hann ítrekað spurt mig hvort hann megi syngja eftir þetta, hann byrjar á lagi og svo kemur "mamma má ég syngja núna" það reyndar skiptir trúlega ekki máli hverju ég myndi svara held að hann syngi þrátt fyrir svarið, en það hefur nú reyndar ekki reynt á það enn. Því þessi spurning kveikir á þvílíku samviskubiti hjá mér að ég segi alltaf já... tilfinningin er samt næstum eins og ég hafi skemmt eitthvað fyrir okkur báðum.

Gleðilegt ár!!! og allt það

2007-01-14T13:40:00.000Z

Nú er kominn 14 janúar og ég að skrifa mína fyrstu færslu á nýju ári.
Jól og áramót fóru afskaplega vel fram, þrátt fyrir að við endasentumst um suður- og suðvestur hluta landsins eins og þeytispjöld.
Um áramót vorum við hjá þeim Rögnu Héðni og sonum rétt eins og venjulega og höfðum það ósköp gott.
Annars er ég bara búin að vera að vinna og svo byrjar skólinn aftur á morgun.

Það sem er þó nýjast að frétta er að við fórum í leikhús í gær, eitthvað sem maður hefur nú ekki gert í mörg ár, svei mér þá!!! Það var nefnilega þannig að við fengum gefins miða í jólagjöf fyrir rúmum tveimur árum síðan.. og miðinn var að renna út í des svo hlaupið var til að keyptur miði á þá sýningu sem okkur leist best á, ekki er þó um auðugan garð að gresja hjá Þjóðleikhúsinu um þessar mundir. Gunna, Guðjón, Arnar, Birkir og Brynja fóru líka enda fengum við öll eins gjöf ;)
En já við sáum Stórfengleg með Ólafíu Hrönn í aðalhlutverki, og að mínu mati var þetta bara ansi góð sýning. Við höfðum nákvæmlega engar væntingar og því kom það skemmtilega á óvart hvað leikritið var skemmtilegt.... allavega að mínu mati. Jóni leið eins og hann væri í kirkju.... Jæja þegar leikritinu var lokið fórum við til Gunnu og Gauja borðuðum doritos og spiluðum það hálfvitalega spil MEISTARANN

Meistarinn er spil sem byggt er á samnefndum sjónvarpsþætti. Það er samið af Loga Bergman (beygir maður það Bergmanni? hehe) og ég mæli EKKI með því. Reglurnar eru óskiljanlegar, spurningarnar sumar kjánalegar, vitlaus svör við sumar spurningar, stafsetnigavillur bæði í reglum og spurningum. einhverjar 7 tegundir af spjöldum sem á að nota í spilinu, og svo mætti lengi telja. Hálfvita spil sem ég og Gunna unnum þó!

Gleðilegar hátíðir

2006-12-30T21:02:00.000Z

vonandi hafið þið haft það gott um jólin og munið hafa það gott áfram.. annáll kemur síðar.. eða aldrei ! hver veit

jibbí skilbbí

2006-12-17T10:12:00.000Z

Jahúúúú ég er búin í prófum,. meira að segja nokkrir dagar síðan sko. Mér gekk sko... bara sæmó allavega veit ég að þetta voru SÍÐUSTU jólaprófin mín. Og ef ég náði öllu núna þá á ég bara eitt próf eftir í kennó. Það er bara ágætis tilfinning. Ótrúlega skrítin samt, hálfgerð frelsissvipting þegar skóla lýkur og vinna tekur við. En ég held að mig langi frekar eiga mér eitthvað líf um kvöld og helgar heldur en áframhaldandi skólagöngu... í bili...

Annars er ýmislegt að frétta... látum okkur sjá. Jú ég klessti súbbann, var að aka í hálku og maður bakkaði úr stæði fyrir mig.. ég væntanlega í rétti, annars var þetta kornið sem fyllti mælinn fyrir mig svo það var brunað á bílasölu og nýr bíll keyptur ...

Svona lítur bíllinn út... eða svona uþb. þetta er nefnileg ekki mynd af honum sko. Þetta er alger drauma dolla, sjálfskiptur und alles. En reyndar með fullri virðingu fyrir súbbanum þá þurfti nú ekki mikið til að toppa hann. En já svo við eigum þriggja bíla flota núna, námskonan/leikskólastarfsmaðurinn og smiðurinn. Jebbserríno....

Fátt annað er að frétta þó, nema ég gleymdi já sko á nýjabílnum er "spojler" en það er sko alveg skýr ástæða fyrir því. Við erum nefnilega búin að taka þá stóru ákvörðun "trommusláttur" að flytja í maí-júní (fer eftir skóla, útskriftaferð o.s.frv.) til SELFOSS!!!!!

Ég ætla bara að láta þetta duga að sinni á meðan þið eruð að jafna ykkur á fréttunum og melta þær. En svona rétt á meðan þið eruð að því ætlar Nonni að skreppa í strípur og ég að bóna spojlerinn...... huuu kannski ég blasti svoldið skímó og móti sól líka.....

á að vera að læra undir próf...

2006-12-11T11:53:00.000Z

Ég sit og hef bækurnar fyrir framan mig, en læt mig dreyma um þá tíma sem koma. Þegar það verður ekki neitt verkefni í skolanum sem aftra mér frá því að gera það sem mig langar til. Eða desember verði ekki eytt innandira með nefið á kafi í erlendum rannsóknum. Sem sýna fram á að börnum líði best þar sem farið er vel með þau, komið fram við þau af virðingu og þau föðmuð og sýnd ástúð reglulega ....

Ég er ekki að gera lítið úr því sem ég er búin að vera að læra... en ég er bara orðin svo leið. Ég er t.d núna búin að vera samtals 2+10+4+1/2+1/2+2 1/2 vetur í skóla!!! það gera 19 og hálfan vetur og mig er farið að langa til að gera eitthvað annað fyrir jól en vera í prófum ...

Annar í sunnudagur í aðventu

2006-12-10T14:33:00.000Z

Fékk þessa skemmtilegu orðuðu auglýsingar sendar í pósti og má til með að pósta þeim hér, njótið vel.

Óheppilega orðaðar auglýsingar
1. Sérstakur hádegisverðarmatseðill: Kjúklingur eða buff kr. 600, kalkúnn kr. 550, börn kr. 300.
2. Til sölu: Antikskrifborð, hentar vel dömum með þykka fætur og stórar skúffur.
3. Nú hefur þú tækifæri til að láta gata á þér eyrun og fá extra par með þér heim.
4. Við eyðileggjum ekki fötin þín með óvönduðum vélum, við gerum það varanlega í höndunum.
5. Til sölu nokkrir gamlir kjólar af ömmu í góðu ástandi.
6. Þetta hótel býður upp á bowlingsali, tennisvelli, þægileg rúm og aðra íþróttaaðstöðu.
7. Brauðrist: Gjöfin sem allir fjölskyldumeðlimir elska, brennir brauðið sjálfvirkt.
8. Ísafjarðarkaupstaður: Starfsmann vantar kvenmann, til starfa.
9. Vantar mann til að vinna í dínamítverksmiðju. Þarf að vera tilbúinn til að ferðast.
10. Notaðir bílar. Því að fara annað og láta svíkja sig. Komdu til okkar!
11. Vinna í boði fyrir mann til að hugsa um kú sem hvorki reykir né drekkur..
12. Ólæs? Skrifaðu okkur strax í dag og við munum veita þér ókeypis aðstoð.

Próf próf síðustu jólapróf!!!

2006-12-03T13:35:00.000Z

Já hér verður fagnaðarerindið flutt því ég er að byrja lestur undir mín síðustu jólapróf, (allavega í bili). Kkkcccrapadildo hvað ég hlakka til. Það er varla hægt að lýsa því með öðru en mynd:

Kveðja Jólabolla að læra

P.s. það er fyrsti í aðventu í dag og ég var búin að gleyma því... á ég að fara í Garðheima og kaupa aðventukrans eða ekki. Ohhh lífið er fullt af svo erfiðum spurningum.

Mánuður í jól!!

2006-11-24T12:05:00.000Z

Sjitturinn titturinn það er mánuður í jól og enn á ég eftir að klára 4 verkefni, 4 próf, meira en 50% jólgjafa, jólaskreyta, jólamat, jólatré, .. já kannski of snemmt að hafa áhyggjur af þessum þremur síðustu.

Ég er samt á barmi geðveikinnar akkúrat núna, ég og Lilja eigum tvö verkefni eftir fyrir mánudag, allt yndislegum kennara okkar að þakka... já og svo eigum við María og Sara eftir eitt verkefni líka fyrir mánudag.

Krappadildo segi ég bara og skrifa. Nema ég taki hana Gyðu mér til fyrir myndar.....

ahhhhhh fokk´itt

Jámm senn líður að jólum

2006-11-20T20:32:00.000Z

Eins og flestir vita líður senn að jólum, en það sem er mun meira áríðandi er að nú stendur yfir haustverkefna/jólaprófatörn. Henni mun ekki ljúka fyrr en að kvöldi 14 desember og hlakka ég ekkert smá til. Ég og Lilja er um að hugsa um að láta skrá okkur í sambúð næstu þrjár vikurnar eða svo þar sem ég mun eyða mestum tíma mínum með henni. Held svei mér að næsti vetur verði ekki svipur hjá sjón þegar ég hef hana Lilju "mína" ekki mér við hlið. (Sko Matthías talar alltaf um hana Lilju "þína" sem dæmi: Hvar er Lilja ÞÍN, ertu búin að týna henni Lilju ÞINNI, Mamma átt þú Lilju)
En hér koma svo myndir frá 13.5 stiga frosti að Fossi um helgina ;)

þá er því lokið

2006-11-13T20:00:00.000Z

Mikka Ref kakan vakti gífulega lukku jafnt hjá börnum sem fullorðnum. Eins gott sko...

En já þrískiptu afmæli er lokið, og mun ekki koma aftur fyrr en að ári.

Ég er þó ekki farin að kvíða því strax heldur er annar kvíði farinn að hreiðra um sig í maga mínum.

Það eru ekki verkefnin sem eru í full swing um þessar mundir og ekki eru það prófin sem taka við í byrjun des, ekki eru það jólin og allt vesenið í kringum þau. Nei ég er farin að kvíða flugferðinni sem áætluð er í Maí. Ég er nefnilega á leið í útskriftarferð og ég er strax farin að kvíða. Ekki er heldur nóg með að flugferðin eigi að eiga sér stað heldur eru nánast engar líkur á öðru en hún verði löng.. já því ævintýraferð er það stefnt er á. Áfangastaðir á við Bahamas eða Hawaii, Tailand og jafnvel Venesúela er allt til umræðu. Ég hlakka í raun ansi mikið til ferðarinnar... fyrir utan flugið ég kvíði því bara ansi mikið.

Ps. er einhver sem les þetta eða er ég bara að röfla í sjálfri mér hérna.. ekki að mér finnist blaðrið í sjálfri mér ekki skemmtilegt en gaman væri að sjá komment svona öðru hvoru ;)

Það er að stigmagnast..

2006-11-08T22:36:00.000Z

stessið það er að segja!
Matthías á afmæli á laugardaginn og viti menn ég stend við hengiflugið... er eiginlega farin að átta mig á því að stressfactorinn í mínu lífi er mun meiri í sambandi við þetta afmæli heldur en nokkutíma verkefnin og prófin. (Fyrir þá sem eru hissa vinsamlegast hugsið ykkur hvar ég var fyrir nákvæmlega ári síðan).
Því er það bara að þrauka fram yfir helgina og þá er þessu bara lokið og eingöngu ár í næsta.......

Það skal nefnilega enginn halda það að ég sé að fara að ráða einhverju í sambandi við þetta afmæli. Matti er búinn að vera að skipuleggja það síðan í sumar. Um miðjan september áttum við þessar áhugaverðu samræður mitt á milli gos og kex rekkans í Hagkaup:

Matti: Mamma, þegar ég á afmæli þá ætla ég að fá köku.
Mamman: Já það eru oft kökur í afmælum
Matti: Já ég ætla að borða Mikka Ref köku
Mamman: (næstum of gáttuð til að geta svarað) jaaahá það er ekkert annað
Matti: Já mamma þú ætlar að baka Mikka Ref köku fyrir mig
Mamman: jaaajaaa *ræskj* jajájá ætli það ekki

Ég veit að þarna fór aftur að hökta á mér hjartað, ekki bara það að reyna að klambra saman köku á mesta álagstíma og bjóða einhverju fólki heim í hálfgerða fermingarveislu, þá eru væntingarnar orðnar svo gífurlegar með margara mánaða tillhlökkun að ég veit ekki hvort hægt sé að standast samanburð. Því ó já hann er að búast við einhverju svakalegu. Hann byggir hverja skýjahöllina á fætur annari sem svo brotnar hver af annari þegar hann áttar sig smátt og smátt á því að ég stenst enganvegin samanburð við sögur annara af afmælum.
Ekki nóg með það að afinn er að grafa undan alræði mínu (sko mamma þú ræður ekki bara ég, pabbi og afi í vestó) heldur myndi ég trúlega verða núll og nix eftir þessa helgi ef ég hefði ekki eitt tromp upp í erminni..

Jú því ég komst á snoðir um ótrúlega sniðugt ... það er hægt að prenta myndir á marsípan!!!

Skref eitt var að gúggla hann Mikka, og ekki gekk það.
Þá spurði ég ættingja Mikka hvort þeir ættu nokkuð mynd af honum, og ekki gekk það.
Þá reyndi ég á barnalandi, og ekki gekk það.
Þá tók ég bara á mig rögg og sendi bréf til vinnuveitanda Mikka og viti menn ég fékk þessa líka fínu mynd senda um hæl.
Þannig að núna er einhver Hérastubbur að prenta fyrir mig Mikka ref á marsípan sem svo mun prýða gómsæta Bettý hér um helgina.

Ég sendi trúlega fréttir næst eftir helgi.. það er ef ég mun bogna en ekki brotna :S

Lifið heil !!

í ljósi gæludýra-umræðna

2006-11-05T20:49:00.000Z

Your Ideal Pet is a Cat

You're both aloof, introverted, and moody.
And your friends secretly wish that you were declawed!

What's Your Ideal Pet?

Morgunstund gefur gull í mund

2006-11-01T15:19:00.000Z

Matti: mamma, ég ætla ekki í leikskólann í dag

Ég: Nú, ætlar þú bara að vera einn heima þegar pabbi fer til læknisins og ég verð að læra?

Matti: Já!

Ég: og hvað ætlaru að gera ef þú verður hræddur við úlfinn (nota bene þá notar hann það alltaf ef þarf að ná í eitthvað fram þegar hann nennir ekki að ná í það sjálfur, að hann sé svo hræddur við úlfinn sem er á nákvæmlega sama stað og hluturinn sem þarf að ná í.)

Matti: þá kemur vondi kallinn bara og skítur úlfinn.

Ég: okei, en hvað ætlar þú svo að gera þegar þú ert einn með vondakallinum?

Matti: þá bara hleyp ég og pong á hann og vondikallinn dettur og ég loka hurðinni. Því´að ég er svo sterkur.

Ég: ertu svo sterkur að þú ræður við vondakallin?

Matti: Nei, uuu já og þá kemur bara ljónið og ljónið bítur vondakallinn í rassinn og ég fer á bak á ljóninu (ég veit hann er bara tveggja að verða þriggja en ég býst við að þetta sé orðalag úr einhverri bók því þetta er nákvæmlega það sem hann sagði) og fer út með því.

Við hættum að rökræða um þetta þarna, og að lokum kom ég barninu á leikskolann, en það er ekki annað hægt að segja en hann hafi svar á reiðum höndum.

myndir

2006-10-30T21:37:00.000Z

Dagur í Nauthólsvík í glampandi sól

tryllingslega fyndnar myndir

2006-10-27T15:31:00.000Z

long time no....

2006-10-24T21:37:00.000Z

Jamm aldeilis langt síðan síðast enda virðist það vera að blogg bólan sé sprungin eða nánast. Kannsi er málið bara að ég er ekki búin að standa við mína samninga um brálæðislega skemmtilegt blogg oft í mánuði.

En, so be it ég vildi bara láta vita af því að ég er á lífi! Svona ef þið skilduð vera að undrast það. Annars vorum við að gæsa hana Sæunni fyrir rúmir viku og svo gifti skvísan sig á laugardaginn var ;)

Langt er síðan síðast..

2006-09-27T23:39:00.000Z

ég er nú orðin ósköp kærulaus með þessa síðu en tími ég ekki að hætta henni.

Ég var að koma af foreldrafundi, og enn finnst mér fáránlegt að ég sem er sko bara enn 16 ára... ja eða næstum því sé að sitja foreldrafundi og viti menn sé bara líka í foreldrafélaginu. Og til að toppa þetta allt er ég að fara að útskrifast í vor sem leikskólakennari... já KENNARI með stóru kái. Fáránlegt að vera komin að þeim tímapunkti i lífinu þar sem það er bara hægt að hætta í skóla með góðri samvisku.

Annað eftir foreldrafundinn áðan kom ég heim og horfði á ANTM og þar er leynigestur frá íslandi... eða er alla vega tvífari einnar sem ég kannast við. Og nú eru það bara þið sem þurfið að giska hver hinn helmingurinn í tvífaraleiknum er.

jæks!

2006-09-14T19:51:00.000Z

Ber, sulta, kartöflur, skóli, afmælið hans Jóns og allt í góðum gír. En ég tek það nú samt fram að ég er ekki með matjurtagarð á svölunum!!!

Ég er næstum enn södd..

2006-08-25T20:34:00.000Z

..eftir matarboðið í gær 12 manns + 2 börn ( þá er mitt eigið ekki talið með því hann svaf á sínum græna frá því um hálf sjö. En það er nú önnur saga...

Já matarboðið hér kemur ein mynd af því, enda var það að mínu mati ákaflega vel heppnað ég veit nú ekki hvort allir séu jafn ánægðir með að myndin komi hér inn en mér er nú nokkuð sama um það.

Ragga bara eitthvað ekki með á nótunum þegar myndin var tekin, ekki það að Ragga sé oft utan við sig nei nei. En já hér koma svo uppskriftirnar þar sem gríðarlegur áhugi var fyrir því að nálgast þær.
Lasagna að hætti Benediktu
Já ég bragðbætti lasagnaðið með því að setja svoldið timjan út í sósuna og líka svoldið rósmarín en það er ekkert nojað ef þú átt það ekki til... já og svo til að gera svona hvíta sósu með þá bræddi ég bara 1 dós af rjómaost til að setja ofan á hvert lag af plötum sem sett var .. það gerir ferlega gott bragð. (p.s þá tvöfaldaði ég uppskriftina fyrir 12 manns og það mátti ekki vera neitt mikið minna.)
Súkkulaðiofurbomba a la Jói fel (fannst svoldið fyndið að setja þennan link en ekki linkinn af þáttunum því þegar ég gúgglaði kökuna kom þessi fanclub síða upp.. hvað er það að það sé fanclub í kringum Jóa Fel... svona rísið upp úr ræsinu fólk!!(ps þá heitir kakan blaut súkkulaði kaka með ís))
Brauð keypt úr góðu bakaríi
Ís er hægt að nálgast í nánast hvaða verslun sem er.

Verði ykkur að góðu !

vefrúntur kveldsins

2006-08-20T23:34:00.000Z

ef þú vilt vita eitthvað um fræga og misfína fólkið
topp tíu skrítnustu heimilistækin
topp tíu kventípur sem ber að varast
topp tíu karltípur sem ber að varast
uppskriftir frá Benediktu

geisp ætla mér í bælið....vinna og skóli á morgun, haldið það sé bara komið haust.

Menningardagurinn í dag

2006-08-20T00:37:00.000Z

Með sleikjó frá jólasveini í ágúst!!

Ahhh lúin bein hvíld á Austurvelli

Að horfa á Sprota, Gunna og Felix

Nei ekki taka mynd

Sjálfsmynd af þreyttu fólki

Er sú eina vakandi í eftir viðburðaríkan dag Jón fór að vinna og við Matti áttum stefnumót við Þórunni á Reynimelnum þaðan var gengið rakleitt niður í bæ þar sem við....
horfðum á upphitun fyrir Latabæjarhlaupið...
forðuðumst geitunga...
gengum okkur upp að hnjám og sáum í leiðinni, jólasveina, grænmetishlaðborð, ótrúlega girnilegar fiskisamlokur, rokk tónleika, Láru og Co, Elísabetu, Eddu og fullt af öðru fólki. Við hittum líka kunningja Þórunnar sem maðurinn hennar þekkti mömmu og pabba og Matta langaði svo í blöðru svo hann "kallinn" eins og Matti komst að orði gaf honum gasblöðru, sem svo síðar kvellsprakk upp úr þurru þegar við vorum að bíða eftir hamborgara við Hereford.
Við sáum líka hangandi hjól, strák með buxurnar á hælunum, Gunnu hlaupagarp og Gauja. Gunna og Felix og margt margt fleira. Settumst næstum í piss á Austurvelli og fengum okkur ís á Ingólfstorgi.
Gussi og Gunna buðu svo í grillaða borgara á melnum. Til að slá botninn úr tunnunni þá komum við við í Hamrahverfinu á leiðinni heim og horfðum á flugeldasýninguna á besta útsýniststað bæjarins.
Og hana nú þar hafið þið það!

spurning hvort hafi verið logið að mér í æsku?

2006-08-17T14:31:00.000Z

Ég veit það alveg pott þétt og hef fyrir því áræðanlegar heimildir að stundum var logið að mér í æsku sem dæmi þá er ein lygi sem ég man ákaflega vel eftir, það var þegar Halldóra systir stóð með mér úti á Upptúni og benti í áttina inn á tún (sem er í áttina að Jarlhettum og Tungufelli fyrir þá sem ekki vita hvert inn á tún er)og sagði mér að þetta græna þarna lengst lengst lengst í burtu væri Grænland.

En nú er það önnur lýgi sem ég veit ekki hvort ég sé að koma upp um, spurning hvort hægt sé að slá því föstu, að þetta hafi bara verið ýkjur. Jú það er sagan af því þegar hann Bjarni kom í heiminn. Þegar mamma og pabbi börðust á lödu sport yfir fjöll og fyrnindi með fullan bíl a krökkum í bandbrjálvitlausu veðri til að komast á sjúkrahúsið á Selfossi, því jú viti menn allt er hægt að nálgast á netinu líka veðurkort!!!

Og sjá veðrið þann 25. desember 1982!!

en ætli þetta séu m/s eða vindstig???

Þess má þó geta að það var bongóblíða þann dag sem ég fæddist! Að sjálfsögðu ;)

P.s fyrir þá alla sem ekki vissu það og óskuðu mér ekki til hamingju með daginn um daginn þá átti ég afmæli núna áttunda áttunda og varð þá tuttuguogfimmára (á innsoginu)

Alltílæ

2006-08-16T23:06:00.000Z

ég er farin að sjá fyrir endan á sumarlærdómnum... ekki það að ég hafi fallið! nei nei þetta eru þessi þrjú árans verkefni sem ég skilaði ekki fyrir jól, þessi sem ég fékk fryst. Nema hvað að ég er búin fyrir einhverju síðan að skila tveim svo er ég búin að bíða í allt sumar eftir að fá að vita hjá einum kennara hvernig verkefni ég á að skila á föstudaginn. Ég beið fram á mánudag með að senda henni meil um það og viti menn, já hún er barasta búin að bíða eftir því að ég hafi samband við hana í allt sumar!!! $%$&"#$%#$ ... sem ég skil ekki þar sem ég talaði jú við hana um að ég myndi skila þessu í sumar "ég hélt bara að þú værir hætt við" var svarið" usssss haldið þið að það sé?

En já þar sem ég er nú að læra þá er ég að sjálfsögð á einhverju netveseni og ég komst að því að nám mitt er ekki bara lítils metið eins og stjórnmálamönnum finnst heldur er það einnig tilgangslaust.. ja ef miðað er við niðurstöðu þessa prófs:

Futuristic Job Quiz

If you live to the year 2501 your job would be

The fries cook for the first McDonalds on Mars

Find out what your futuristic job would be at Quizopolis.com

lifið heil..... ég ætla að halda áfram

Ég vildi bara láta vita að ég er ekki látin...

2006-07-30T23:31:00.000Z

en vegna þess hversu herfileg nettengingin er hérna í sveitasælunni þá komast engar myndir strax inn hvort hér né á barnaland...

Verð trúlega fram yfir versló en eins og þið væntanlega vitið alles su sammen mun ég verða aftur 22 daginn eftir frídag verslunnarmanna ;)

dohhh

2006-07-09T19:43:00.000Z

Jæja við erum komin heim eftir fyrstu útilegu sumarsins. Frábæru veðri var SPÁÐ takið eftir já því var spáð en viti menn öllum að óvörum þá var ekki hægt að treysta á veðurspá helgarinnar fyrir vesturlandið og bongóblíðan sem við áttum von á í skorradalnum varð að skýjabökkum sem fór að rigna úr á laugardeginum og hurfu svo á aðfaranótt sunnudags og orsökuðu því minna en 4 gráðu hita yfir blá nóttina. En skemmtilegt var samt sem áður og langar mig bara aftur í útilegu sem fyrst.

Ég fór svo á vefflakk áðan og hér koma nokkrar skrítnar, skemmtilegar eða áhugaverðar síður fyrir ykkur að skoða.
nr 1. Puppet tool ýttu bara á enter og þú kemst beint í skemmtunina
nr 2. Brúnó karlinn
nr 3. Kjötauglýsing
nr 4. Trygginga auglýsing
nr 5. b2
nr 6. nektarmyndir frá mörgum tímabilum, áhugavert hverjar áherslurnar eru í líkamsþyngd á milli áratuga.
nr 7. fyndin videoklipp, farðu yfir topp tíu ef þú villt kitla hláturtaugarnar

Lurkum lamin og ég veit ekki hvað

2006-06-12T21:50:00.000Z

Málið er að ég er sko ekkert ánægð með nýja útlitið og get samt sem áður ekki sest niður og einbeitt mér að því að breyta því til hins betra. Þetta gerir það að verkum að heljarins bloggleti hefur yfir mig komið. En það sem á mína daga hefur drifið er margt skrítið og skemmtilegt.

Til að stikla (er eitt eða tvö k í stikla, stikkla eníhú) á stóru þá erum við búin að fara í þrítugsafmæli, á ættarmót og í afslöppunarhelgi, og við erum búin að kaupa hjól handa syninum, og það er búið að keyra yfir hjólið frá syninum (nota bene þá gerðum við það ekki sjálf) og síðast en ekki síst þá drap ég mig næstum áðan.
Það vill nefnilega svo til að fótbolti er með eina hæðstu slysatíðni af öllum íþróttum og ég er nú ekki sú fyrsta sem fell í valin þegar kemur að því að "stunda" íþróttina.
Okei það gerðist þannig að ég fékk þá flugu í höfuðið að ljá honum unnusta mínum þá ánægju að fá Sýn (ekki það að hann sé blindur neeee) jæja og til að geta horft á fótboltan á sýn (það er sko þarna sem fótboltinn blandast inn í söguna) þá fór ÉG niður í geymslu til að ná í afruglarann. Nú minn heitt elskaði hann raðaði svo vel í geymsluna þegar við fluttum að ég hreinlega fann ekki afruglarann, þannig að ég ákvað að leita örlítið betur. Matti sem var með mér við þessa iðju var ekki par hrifinn af því að mamma sín væri í einhverjum loftfimleikum í geymslunni skreið þvi inn í hluta af innréttingu sem þarna var á gólfinu.
Aha hugsaði ég með mér og ákvað að nota innréttinguna sem skammel, og steig upp á hana. (til nánari útskýringa þá er þetta bara svona rammi innan úr skáp, bara svona spónaplötur, ekki heilar... verð sko að afsaka mig fyrir fram þar sem ég er ekki 1000kg) Að sjálfsögðu hrundi helv... platan undan mér og ég datt niður á þá 4 nagla og 1 skrúfu sem platan rann úr og STÓRSLASAÐI MIG á lærinu.
Ég fékk nett áfall og sá fyrir mér dauðdaga minn með innréttingu fasta í mjöðminni og Matthías dáinn úr hungri þar sem enginn vissi hvar í heiminum við vorum niðurkomin. Svo ákaflega skemmtilega vill til að ekki er símasamband niðri í geymslu hjá okkur heldur svo ekki hefði það getað bjargað okkur. En við bráðabirgða athugun kom í ljós að innréttingin var ekki föst við mig með einum fírtommu heldur var þessi heljarins skurður þvert yfir lærið á mér. Matti aftur á móti var sármóðgaður yfir að hafa rekist aðeins utan í, hágrét yfir þessum dónaskap í mórður sinni.
Eftir að hafa náð andanum og sussað á krakkann stauluðumst við út úr geymslunni. Þegar áleiðis upp stigaganginn var komið hringdi ég í bóndann sem fékk nett sjokk á kassanum í bónus "HA dastu niðri í geymslu???? á 4 nagla" HA er allt í lagi HA ertu stórslösuð HA ..... og svo framvegis"
Jamm eftir jappl og juml í einkasyninum sem var sannfærður um að vera stórslasaður á höfði þrátt fyrir að ekkert hefði komið fyrir hann, komumst við loks upp í íbúðin. Jón sem hafði hlaupið af kassanum í apótekið til að kaupa sárabindi og sótthreinsandi kom því næst arkandi heim til að hlúa að hinum slösuð fjölskyldumeðlimum. Matthías fór að sjálfsögðu að há gráta þegar hann kom heim " Pabbi mamma meiddi sig, og ég meiddi mig, mamma er með blóð á löppinni, pabbi ég meiddi mig líka, pabbi huggaðu mig, pabbi ég er með blóð á hausnum, pabbi spæderman beit mig í hendina, pabbi ég meiddi mig líka......og svo framvegis" En að lokum eftir að hafa verið plástruð frá hné og upp undir brjóst ... með smá ýkjum... sit ég hér og sanna þar með fyrir ykkur að íþróttir eru heilsuspillandi og þar fer fótbolti fremstur í flokki hvað hættuna varðar.....

ps Jón fann svo afruglarann, svona ef þið höfðuð áhyggjur af því .

Æi eitthvað

2006-05-30T23:50:00.000Z

Fékk skyndilega leið á hinu.... er samt með valkvíða hvað ég á að hafa.. er komin með leið á útlitinu en nenni ekki að föndra við þetta, þarf alltaf að læra eitthvað nýtt í hvert skipti sem mér dettur eitthvað svona í hug.... þarf að ígrunda þetta betur

Ótrúlega gaman um helgina!

2006-05-29T22:34:00.000Z

Sorrý ef þið eruð miður ykkar yfir myndunum en þetta er bara brotabrot ég tók í heildina 159 myndir svo úr einhverju er að moða.

2006-05-23T23:51:00.000Z

Af okkur er allt gott að frétta...
Enn er mikið í kössum svo ekki verður strax partý, en við erum aldeilis búin að vera á spending spree ... keyptum borðstofuborð, og stóla við, sjónvarpsskáp og erum að reyna að festa kaup á tölvuskáp as ví spík. Svo þurftum við að kaupa okkur nýtt hjónarúm þar sem kingsize rúmið okkar var ekki alveg að gera sig í herberginu (það er sko 2m x 210m og skápurinn er svo stór í því að ekkert annað hefði komist fyrir í herberginu, þar sem við vorum búin að fá nóg af svoleiðis í síðustu íbúð, settum við rúmið okkar bara í geymslu og keyptum okkur nýtt í ikea!! Mun henntugra.

Annars erum við meira og minna barnlaus hérna þessar vikurnar, Matthías býr svo vel að eiga góða afa og ömmur sem ólm vilja bjóða honum í sveitina hann var í síðustuviku í 3 daga í þybbanum og svo fór hann núna á laugardaginn síðasta til mömmu og pabba og kemur ekki aftur fyrr en á fimtudaginn.. barnið er sko bara að verða að unglingi eða því sem næst ;)

Annars er fátt af okkur að frétta, við hjónaleysurnar erum að fara að fagna því í góðra vina hópi að það séu 5 ár síðan við útkskrifuðumst. Förum að Laugarvatni á útskriftina á laugardaginn og um kvöldð verður matur A la Svenni kokkur og svo tjútt á vistinni og ball í N-stofunni.. bara allt eins og í gamladaga ja nema nú verður maður bara með leyfi frá húsverði ;) .

Maí myndum 3

2006-05-17T18:12:00.000Z

Spurning hvort eggið sé farið að kenna hænunni?
En egg geta verið móðgunargjörn líka ;)
Kossageitarstreptokkar að taka til í eldhússkápunum

Maí í myndum 2

2006-05-17T18:08:00.000Z

Fyrsta almennilega góóóóða veðrið
Pabbi minn ertu viss um að þú viljir ekki hjálp?

Skór vinnandi manns!!

Maí í myndum 1

2006-05-17T18:04:00.000Z

Lærdómurinn svíkur engann í Maí ... ja eða næstum engann

aðfaranótt mánudagsins 15. maí 2006

2006-05-15T00:29:00.000Z

Við erum algjörlega flutt út, búin að skrúbba, skúra, þurrka af og þvo í allan dag. Þórunn kom og hjálpaði okkur við að þrífa skítinn eftir okkur en það hafðist að lokum. Lyklar verða því afhentir með glöðu geði á hádegi á morgun.
Kannski ég smelli mynd inn á morgun... en ekki núna því ég finn ekki neitt í pappakassaflóðinu sem er hér í stofunni né heldur í plastpokaflórunni. Kannski kemur þetta allt í ljós þegar farið verður almennilega að raða inn ... en svona ykkur að segja kláraði ég að raða í elhúsið í gær ;)
Ps ég mun sko ekki flytja á næstunni þetta er alveg drepleiðinlegt að vera í svona veseni.

Kv Brynja sem er orðinn íbúi í annari götu annarstaðar í Reykjavík en þó bara rétt hjá!

Jæja

2006-05-07T10:16:00.000Z

Jamm, þá er bara komið sumar í mínum huga. Prófið búið og verkefnaskilum lokið, ja nema auðvitað þessi verkefni sem að ég varð að sleppa fyrir jól. En það er bara pís of keik..eða hvað.

Íbúðina fengum við afhenta fyrir viku síðan, á morgun er vika og hún var í aðeins verra ástandi en við bjuggumst við. Við erum ekki enn flutt inn því að þar sem ég var á fullu í prófum, þurfti einhver að vera með Matthías á kvöldin svo Jón gat ekkert byrjað að mála eða gera.
Já svo þurfti líka að gera margt og mikið fyrir rafmagnið í eldhúsinu og verið er að hnika til einingum í innréttingunni fyrir uppþvottavélina. Já þetta kemur allt með tímanum pabbi og Bjarni eru að fara að koma aftur í kvöld að reyna að gera eitthvað meira í þessu já og ég er að fara í Ikea að versla Vúhú ;)

Hey og viti menn Jón Óli var að skoða splas á netinu í gær og þessa mynd fann hann, reyndar sagði hann orð rétt: Brynja afhverju í ósköpunum er mynd af þér á splas síðunni?! hehe en hér erum við ;)

fékk þetta á emil um daginn

2006-04-30T23:56:00.000Z

Hugsaðu aðeins um þetta...

4 maí þegar klukkan er tvær mínútur yfir eitt og þrjár sekúntur þá mun klukkan vera nákvæmlega

01:02:03 04/05/06

Þetta mun víst ekki gerast aftur svo lengi sem við lifum!!!

Spáðu í því!

ummmmm

2006-04-28T11:23:00.000Z

Ahhh dagurinn í dag, sumarið farið að láta á sér kræla, sól skín í heiði og fuglarnir syngja. Máfarnir rífast við krumma hérna úti og ég veit ekki hvað og hvað...

En nei ég er ekki úti eða neitt svoleiðis, ég sit hér pungsveitt að reyna að klára tónmenntarverkefni til að geta byrjað á ferlimöppu til að geta klárað hana og byrjað að læra undir próf til þess að geta tekið prófið svo ég geti farið að flytja svo ég geti verið búin að losa íbúðina mína svo við getum málað klósettið aftur til að við getum selt íbúðina samviskulaust......

Ahhh finaly

2006-04-25T11:42:00.000Z

Skólinn er búinn hjá mér.. já eða svona næstum því. Nú á ég bara eftir að skila 5 verkefnum og fara í eitt próf.

annars var ég að koma úr bústaðnum á sunnudagskvöldið, endurnærð og úthvíld... NOT... hehe ég og Magga fórum ekki að sofa fyrr en 6:30 á sunnudagsmorguninn og ég vaknaði aftur um eitt leitið :S
Annars myndi ég segja að toppar helgarinnar væru:
Úúúú I wanna uuaaaaa ummmm I wanna uuuaaaaaa...
Rakel að leika "útdauður" í aksjón og hún ákvað að leika bara Geirfugl til að koma þessu á framfæri
Magga að hella yfir sig í 300 skipti
Bryndís og Hulda og cant walk away oooo ...
Svanhildur og Mohijto (eða hvernig sem það er skrifað)
Sæunn að elda geggjaðan kjúlla og sósu.. *slurp*
og að sjálfsögðu SINGSTAR

í dag kom sumarið

2006-04-20T22:00:00.000Z

eða svo er manni sagt, í mínum huga þá kemur sumarið ekki fyrr en skólinn er búinn en það er nú annað mál.
Í tilefni af sumrinu ákvað ég að gera vorhreingerningu á síðunni minni.. og sjá hún er orðin iðjagræn eins og tún í júlí. Njótið vel og

GLEÐILEGT SUMAR

7 atriði fyrir daginn í dag

2006-04-19T22:01:00.000Z

Í dag er:

Komið sumar á morgun
Bústaðarferð ekki á morgun heldur hinn
Bara einn dagur eftir í skólanum
11 dagar þangað til við fáum lyklana af nýju íbúðinni okkar
Matthías orðinn tveggja ára, fimm mánaða og átta daga
fimm og hálfur mánuður síðan ég drakk síðast kaffi, kók eða kók light
miðvikudagur

ahhhh langþráður dagur..

2006-04-12T10:33:00.000Z

Í dag er fyrsti dagur í páskafríi, ég get ekki annað sagt en að hann er langþráður.

Svo er ekki nema rétt rúm vika í bústaðarferð, skipulag er í hámarki og þegar sjö kvenmenn koma saman til að skipuleggja myndi maður búast við .. ja þið vitið.. en þetta gengur allt bara ljómandi. Allar svo lukkulega að sleppa frá börnum og/eða körlum að engin hreyfir mótmælum. Enda er nú ekki mikið að mótmæla, planið er að fara, sofa út, slappa af, borða góðann mat og spila. Skilst að planið sé mest megns svona og mér líkar það vel ;)

En jamm Gleðilega páska og ekki borða yfir ykkur af súkkulaði, ekkert gott getur hlotist af því ;)

Helgin er liðin.. enn eina ferðina

2006-04-03T20:04:00.000Z

Þessi tími er ansi merkilegur, hver hefði trúað því um jólin að áður en ég næði að hugsa heila hugsun væri bara kominn apríl?! Magnað! ekki satt ;)

Ég var að athuga strumpanafnið mitt og það er kaldhæðnistlega á hversu margan hátt það á vel við... ég er sælgætisgrís.. það má nú með sanni segja... svo var nú verið að draga úr mér tennur svo það passar líka, nú ég er ekki hærri en 158 cm svo að það passar einnig... magnað! ekki satt

Smurf Name

Your Smurf Name is

Sweet Toothed Smurf

Get Your Smurf Name at Quizopolis.com

Annar var það bissí helgi í Þykkvabænum. þar var einmánuðsgleði (réttara sagt frestað þorrablót) ég hélt að hjartað ætlaði út úr brjóstkassanum á mér þegar Jón og Guðjón (sem voru veislustjórar byrjuðu að tala, einnig þegar þeir voru byrjaði að tala um slide showið sem ég átti að sjá um og var ekki búin að tengja tölvuna, líka þegar Brynja var að leika í sínu atriði (ath ég er ekki að tala um sjálfan mig heldur Brynju svilkonu mína) Já og það fór næstum því í stopp (sko hjartað) þegar Birkir söng Sylviu Nótt lagið alla malla.

jæaj best að reyna að gera eitthvað af viti til tilbreytingar... hey já , ég flyt eftir minna en mánuð. Magnað! ekki satt ;)

frumbl

2006-03-30T15:31:00.000Z

frumbl er nýtt orð sem ég skrifa þegar ég er andlaus fyrir fyrirsögn.

Nema hvað ég er búin að jafna mig nánast alveg eftir tannúrtökuna, bara ef þið hefðuð viljað vita það!

En núna ætti ég samkvæmt öllum reglum að vera á kafi í að skrifa ritgerð, en hvað geri ég þá, jú ég fer að lesa blogg hjá fólki sem ég þekki ekki neitt og viti menn ég rakst á eina svo bráðfyndna grein að ég hreinlega verð að deila henni með ykkur. Ef þið viljið vita upprunan þá var það Brynja-Lára-Sverrir-Sif-einhver linkur sem ég man ekki og þaðan á þessa Möggu. Skemmtið ykkur vel yfir lestrinum síðasta sagan er sérdeildis fyndin Möggubloggmeðfyndinnisögu

ó ó æ æ aumingja ég!

2006-03-28T14:05:00.000Z

Það voru rifnir úr mér endajaxlar í morgun, ég var lygilega ekki stressuð fyrir þessu. Að sjálfsögðu sagði ég tannsanum hverstu stressuð ég væri og samtalið fór einhvernvegin svona fram :
Hann: Jæja segiru ekki bara allt gott?
Ég : Ég er eiginlega svoldið móðursjúk, hérna sko ég er eiginlega bara stjörf af hræðslu.
Hann: Ha?? Hvað segiru, þá er bara um að gera að hugsa eitthvað fallegt á meðan.
Ég (já já rétt á meðan þú treður töngum á við naglbít og rífur úr mér góminn): Ehheeeheheee já já
Klinkan: Fallegt! Ekki hugsa þá um hann.
Hann: Hahahaha jú hugsaðu þér bara mig í sundskýlu það ætti nú að vera fyndið
Ég fór að hlægja
Klinkan: Það er nú ekki fallegt að hugsa um það!!
Hann : Sko ég hugsa alltaf um tannlækninn hérna við hliðinaá á nærbuxunum þegar ég vil skemmta mér.
Ég verð að viðurkenna að ég hló við tilhugsunina.
En jæja ég var sest í stólinn og hann byrjaði að deyfa mig.. og deyfði og deyfði ... jæja hann kveikti svo bara á frends og fór fram. Á meðan Chandler tilkynnti það að hann þyrfti að flytja til Thulsa vegna vinnunar fann ég hvernig andlitð á mér varð eins og hjá manneskju sem er að jafna sig eftir heilablóðfall. Ég er ekki að ýkja þegar ég segi að það dofnaði á mér hársvörðurinn... á enninu.... ég sver það, líka aftur fyrir eyru og niður hálsinn ég var sko mjög vel deyfð... öðru megin!!! Hinumegin virkaði deyfingin ekki mjög vel. Jæja hann kom svo með eitthvað sem lýktist ísbrjóti og fór upp í mig skrapaði ýtti og poppp tönnin farin úr.
Þá reyndi hann hinumegin... það gekk ekki nógu vel þar.. okei hann reyndi ég skrækti, hann deyfði meira, og ég neitaði að opna munninn, og svo reyndi hann með ísbrjótnum hjakkaðist smá og svo þurfti hann að sannfæra mig smá að opna aftur munninn og svo kom hann með risa töng og togaði og hún losnaði. Ég get samt ekki sagt að ég hafi fundið neitt til að ráði, verst var þegar hann var að deyfa mig...
Svo núna lít ég út eins og hamstur og má bara borða fljótandi í einhverja tvo dag.. aumingja ég..

hér eru svo tröllin sem dregin voru út:

í dag er ég

2006-03-21T20:17:00.000Z

Íbúðin er seld, reyndar á eftir að skrifa undir en við erum búin að samþykkja tilboð. VÚPPÍDÚ!!!

Lára ég hugsa að þetta hafi verið bökunarlyktin sem ég feikaði í íbúðina og svo að sjálfsögðu lögmannsbrögð hr Gusspells.

verra er að mér gengur enn ekkert með þetta verkefni mitt!!! Hvað sem það á nú að þýða!

Alveg magnað

2006-03-18T15:21:00.000Z

Þessi texti er í barnabók sem ég keypti um um daginn. Ég var búin að lesa bókina fyrir Matta þegar ég kom auga á svona eftirmála aftast í bókinni sem var svohljóðandi:

"Hver er höfundur Alí Baba og ræningjanna 40?

Þeirri spurningu er nú erfitt að svara því. Eiginlega er enginn höfundur, eða hann er algerlega óþekktur. Sagan er nefnilega í Arabíska þjósagnasafninu, sem heitir Þúsund og ein nótt. Í upprunalegu sögunni er Alí Baba bláfátækur maður, sem kemst af tilviljun að því, hvar ræningjahópur geymir ránsfengi sinn. Hann lærir lykilorðin "Sesam opnist þú." Þannig kemst hann inn í hellinn og stelur frá ræningjunum hinu og þessu, þangað til þeir komast að því. Þá láta ræningjarnir flytja sig í olíubrúsum til borgarinnar og ætla að ráðast á Alí Baba, en trúr þjónn hans kemst að því og hellir sjóðandi olíu ofaní brúsana, svo allir ræningjarnir týna lífi. Svona geta þeir verið grimmir og eru enn í dag, þessir Arabar, en þeir trúa á annan Guð, sem þeir kalla Alla og er Múhameð spámaður hans."

bókin heitir Trillurnar þrjár með Alí Baba og 40 ræningjum...

Alla malla

2006-03-15T21:31:00.000Z

ég er sko bara nánast ekkert búin að fara á netið síðasliðinn hálfan mánuð og það er mín afsökun punktur basta.

Vettvangnámi er að ljúka á morgun, ótrúlegt hvað þessar sjö vikur eru búnar að vera fljótar að líða.

kvíði svoldið fyrir foreldrakaffisamsæti sem ég er að halda á morgun á deildinni en það er nú bara léttur fiðringur fyrir því ekkert meira en það.

Svo byrjaði tölvan líka eitthvað að bila #$T%B$#$% (Lukku-Láka blót) einhver villumelding, en held að ég hafi eitthvað skítmixað hana í lag. Mér fróðari konur sögðu að væntanlega færi harðidiskurinn að fara að hrynja... gef ekki mikið fyrir það.. því ef ég geri það þarf ég að taka bakköpp af öllu heila gilleríinu.. sem ég ætti nú að drífa mig í.

Já og meðan ég man, núna eins og staðan er í dag erum við eigendur af tveim íbúðum ahaha við erum búin að kaupa en ekki búin að selja, svo ef ykkur vantar 15.5 milljóna króna 67 fermetra íbúð í grafó.. þá er mín sko til sölu.. aha já og ég aka við flytjum 1. maí

hohoho

2006-02-28T23:47:00.000Z

El$ku pabbi: Vei$tu hver$ ég þarfnast me$t? Alveg rétt, þú vi$$ir það. $endu það $trax. Bið að heil$a.
Þinn el$kandi $onur $iggi.

Elsku Siggi. Ég get ekki NEItað því, að það var óNEItanlega skemmtilegt að fá seinasta bréfið þitt, alveg gNEIstandi af kímni. Ég vissi, að þú myndir ekki sNEIða hjá bröndurunum. Ég er vanur að ljúka bréfum með einhverjum hinna gömlu málshátta: NEYðin kennir naktri konu að spinna.
Þinn NEYðarlegi faðir.

+-+-+-+-+-+-+-+-

Hvernig kemurðu einhentri ljósku niður úr tré?
Þú veifar til hennar

Hvernig athugarðu greindarvísitölu ljósku?
Með loft mæli.

Lögga stoppaði ljóskuna sem ók á móti umferðinni á einstefnugötu.
Löggan: "Sástu ekki örvarnar?"
Ljóskan: "Ég sá ekki einu sinni Indjánana."

Læknirinn: "Taktu þessar pillu þrisvar á dag."
Ljóskan: "Hvernig get ég tekið sömu pilluna oftar en einusinni?"

Læknirinn: "Er hóstinn orðin betri?"
Ljóskan: "Já ég er búinn að æfa mig í alla nótt."

tuttugasti og fyrsti febrúar

2006-02-21T16:55:00.000Z

Núna á meðan ég sit við tölvuna situr Matthías í sófanum með headphone á eyrunum og jólageisladisk í spilaranum. "Hæ jólasveinn, halló" segir hann svo öðru hvoru þegar jólasveinarnir heilsa á disknum.

Annars fór drengurinn í sveitina um helgina, og neitaði svo að koma heim þegar við fórum að sækja hann í gær... aumingjans barnið var nú samt tekinn með í höfuðborgina, nauðugur viljugur. Svo nú situr hann hér og hlutsar á jólalög um miðjan febrúar.

Íbúðarkaup, atvinna og jórturleður

2006-02-10T20:32:00.000Z

Já allt er þegar þrennt er það er trúlega eitt af lögmálum alheimsins. Til dæmis núna þá komu þrjár frábærar fréttir allar sama daginn. (ég ætla að skrifa þær upp, en vinsælasta fréttin er ekki endilega nr 1 og svo framvegis, heldur verður hver og einn að meta það út frá sjálfum sér hver er besta fréttin).
Nr 1. Ég kom í mestu rólegheitum inn á kaffistofu í fyrrakaffi núna fyrir skömmu. Þá skiptir engum togum nema leikskólastjórinn segir að þar sem ég sé svona heimilisleg þarna hjá þeim hvort ég vilji ekki koma að vinna hjá þeim eftir útskrift, ég svaraði um hæl að það væri nú svoldið langt í það en mig vanti nú vinnu í sumar og med de samme var ég ráðin, bara svona kviss bang búið.

Nr 2. Á leiðinni heim þann daginn kom ég við í Krónunni, og viti menn þar við kassan sá ég tyggjó barnæsku minnar!! Nei það var ekki gamalt uppþornað tyggjó frá því ég var lítil heldur var þar ljóslifandi komið GRÆNT WRIGLEY´S DOUBLEMINT CHEWING GUM og einnig í ljósgrænum pakkningum það sem eitt sinn var í hvítum WRIGLEY´S SPEARMINT CHEWING GUM, í plötum og allt. Ég mun sko gera mér ferð í krónuna fyrir þetta tyggjó aftur. Frábærar fréttir ekki satt?

Nr 3. Við fengum samþykkt tilboðið í íbúðna, þannig að ef við fáum greiðslumat þá munum við trúlega flytja 1. apríl.

kv Brynja

Jamm ég er víst enn hér ;)

2006-02-08T13:34:00.000Z

Já ég segi það satt, og allt gengur bara ljómandi. Verkefnaskil í næstu viku reyndar svo mikið verður að gera um helgina, en það sleppur alveg því ég er hjá svo góðum æfingakennara *blikkblikk*

En það kemur í ljós á MORGUN hvort ég sé að fara að flytja á næstunni eða ekki, við vorum að svara gagntilboði í íbúð. Svo miklar fréttir framundan

Svo vil ég þakka öllum þeim sem tóku þátt í spurningakeppninni um Brynju... sérstaklega dáist ég að þeim frænkum Elfu og Freyju þar sem þær eru með langlang besta stigaskorið. Magga, Sæunn og Hulda! uss uss stelpur þetta er eitthvað sem við verðum bara að vinna saman að.

2006-02-01T18:33:00.000Z

Take My Quiz
- on -
QuizYourFriends.com!

Það er nú orðið ansi langt frá síðustu færslu. Ja eða svona bara vika. Ég er byrjuð í vettvangsnámi og það er bara fínt, er reyndar bara búin að vera 3 daga svo ekki er komin mikil reynsla á það enn ;)

Svoldið kúl

2006-01-25T21:09:00.000Z

Svoldið kúl að Matti er nákvæmlega svona gamall í dag...

og svona er ég gömul sjæsen... ;)

Já svona er maður víst!!

2006-01-22T19:53:00.000Z

Ich bin Spiderman

2006-01-19T22:38:00.000Z

Þar sem við Lára gerum ekki annað en að stela hugmyndum af blogginu hjá hvorri annari þá kem ég hér með nýjasta stuldinn.

Your results:
You are Spider-Man

Spider-Man		90%
Wonder Woman		80%
Hulk		75%
Superman		70%
Supergirl		70%
Green Lantern		60%
The Flash		55%
Robin		50%
Catwoman		45%
Batman		40%
Iron Man		30%

You are intelligent, witty,
a bit geeky and have great
power and responsibility.

Click here to take the Superhero Personality Test

hugvekja dagsins

2006-01-18T09:25:00.000Z

Matti er slappur, ég vaknaði seint klukkan hálf átta og þá tók það því varla að reyna að fara í skólan, klukkutími að koma matta í leikskólann og komast út og svo klukkutími í skólann.... enda átti ég bara að vera í tveim tímum í dag.

Annars er ástæða hugvekjunnar í dag sú að Matti er að horfa á Söngvaborg. Söngvaborg er eitt það mest pirrandi barnaefni sem til er, eftir því sem ég heyri þennan disk oftar þeim mun pirraðari verð ég. Þær stöllur sem um þetta sjá halda að þetta sé alveg frábært hjá þeim, jú jú enda er það voða gaman að syngja og láta börnin syngja en setningar eins og " já munið þið krakkar svo er mjög mikilvægt að klára af disknum sínum" fara svo undir skinnið á mér og klóra þar fram eftir degi. Ég veit ekki hvaða uppeldismarkmiðum þær fara eftir, eflaust eru það engin. Enda seldu þær sál sína Nóa Siriusi, Sól hf og Íslandsbanka með því að láta auglýsingarnar vera skylduáhorf (það er ekki hægt að hoppa yfir þær í byrjun disksins) Svo klikkja þær út með því að á miðjum disknum predika þær um sparnað og annað slíkt og undir er spiluð auglýsing með Georgi. Verst finnst mér samt auglýsingin á nýjustu útgáfu söngvaborgar, þar sem Svala auglýsingin er, þær leika e-h ævintýri um prins og prinsessu (sem að mínu mati er svooo hrikalega illa leikin að það er eins og að skrapa úr sér eyru og augu að hlusta og sjá hana) jæja prinsinn vekur prinsessuna upp af værum svefni með því að gefa henni "svala" drykk, byður hennar svo og auðvitað er prinsessan heiladauður hálfviti því hún segir já og amen. Köttur úti í mýri setti upp á sig stýri, úti er ævintýri. *æl*

Nú veltið þið því eflaust fyrir ykkur því í ósköpunum ég leyfi birtingu á þessu efni innan minna veggja, jú ástæðan er einföld. Megn óbeit mín á þessu efni var ekki til staðar þegar diskarnir voru verslaðir, svo hefur heimskan sem kemur fram á milli laganna á diskunum verið að síast og malla allan þennan tíma. Nú er svo komið að ég set þessa diska ekki í tækið og mér er skapi næsst að henda þeim. En jú Matthíasi þykir samt einstaklega gaman að horfa á þetta og það er það sorglegasta af öllu!

Ljómandi helgi liðin

2006-01-15T20:04:00.000Z

Já hún var bara ljómandi góð helgin okkar, brunuðum austur í sveitin á föstudaginn og Jón Óli fór á Karlakvöld karlakórsins og að karlasið var eitthvað einfalt í matinn, það var saltkjöt og baunir, í fyrra var víst hrossakjöt. Ekkert að vera vesenast við matseld bara henda einhverju í pott og kveikja undir, setja það svo í á stórt fat og þeir geta fengið sér sem vilja... ja eða svona næstum því.

Föstudagurinn hafði þó ekki byrjað kræsilega fyrir 80% allra höfuðborgarbúa, ja eða alla þá sem þurftu að koma bílnum sínum frá stað A-B já eða A til B og frá B til C og frá C til... og svo framvegis rétt eins og ég þurfti að gera. Umferðin lúsaðist áfram í hlykkingum allir mjökuðust til vinnu og rétt um það leyti sem sá síðasti í röðinni var búinn að leggja í stæði fóru fyrstu að leggja af stað heim úr vinnunni.. ég var ekki nema rúman klukkutíma á leið heiman að frá mér og út í leikskóla frá leikskóla og út í skóla!!

En helgin já við Matti fórum út í snjóinn ásamt öðru heimilisfólki en Jón greyið lá í rúminu fram eftir degi.. hehe samt svoldið gott á hann.. bara svona smá

Svo var skírn í Hrepphólum í dag hjá Rögnu Guðnýu og Héðni pilturinn heitir Eiður Helgi og þið getið óskað honum til hamingju með nafnið á heimasíðunni hans, nú eða hringt í foreldrana og spjallað.

jæja ætla að horfa á liti hafsins eða hvað þessi þáttur heitir nú... adju

Enn einn leikurinn..

2006-01-12T10:55:00.000Z

Okei hér er svona leikur en ég tók út spurningar 4 og 5 þar sem þær fannst mér svo kjánlegar.. ja eða kjánalegri en hinar.

1. Hver ert þú?
2. Erum við vinir?
3. Hvenær hittumst við fyrst og hvernig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tíman langað til að segja mér eitthvað en ekki getað það?

15. Ætlaru að setja þetta á bloggið þitt svo ég geti skrifað um þig?
Bónusspurning:
16. hvenær áttu afmæli og hvað ár komstu í heiminn??

Undirskriftalisti útaf DV málinu

2006-01-11T13:00:00.000Z

Hér getur þú skráð þig á áskorunnar listann

Verðandi leikskólakennari eða hvað?

2006-01-10T15:42:00.000Z

Ég byrjaði í skólanum í gær, eftir tæplega mánaðar jólafrí. Það er svei mér þá bara ágætt að byrja aftur, en ef að allt gengur að óskum er þetta næst síðasta skipti sem ég er í eftirjólabyrjun í skólanum... eða sko sem nemandi!!

Að öðru, Hr Veigar er veikur, og áður en þið skammist eitthvað í mér þá er Jón Óli búinn að panta tíma hjá Stefáni :S

ummmm eitthvað fleira? neee held bara ekki

What to do what to do...

2006-01-03T13:11:00.000Z

Hver hefði trúað því að ég væri Guðfaðirinn, kannski kontrólfríkið ég ætti að fara að hugsa minn gang ....

En mér leiðist, já svei mér þá. Ég ætti kannski að fara að byrja að læra það væri svo sem ekki vitlaust, en það er hægara sagt en gert að koma sér í´ða.
Matthías var að fara í fyrsta skipti á leikskólann síðan 22 des hann var mjög ánægður með að vera komin aftur. Ég bauð honum hvort hann vildi fara eða vera heima og hann var kominn í skóna á mettíma. Spurning hvort þetta sé eitthvað sem ég á að taka til mín eða hvað... nei nei held að ég geri það ekki kannski ég taki einhver fleiri próf... látum okkur nú sjá.

JÁ ÉG HELD AÐ ÉG FARI AÐ GERA EITTHVAÐ Í STJÓRNSEMINNI .... :s

Góða kveldið

2006-01-02T20:05:00.000Z

og gleðilegt ár..

Kveðja frá mér og mínum

2005-12-24T15:31:00.000Z

ekkert jólaskap :(

2005-12-20T11:18:00.000Z

en í staðin fyrir jólaskapið er ég búin að vera að dunda mér á netinu við að breyta mér í allra kvikinda líki. það getur þú gert hér

Eins tvær eins og ég verð gömul, ein eins og frekar óhugnanlegt lítið barn, ein eins og asísk teikimyndafígúra og svo ein eins og meistari Botticelli hefði teiknað mig.

að nokkrum dögum liðnum

2005-12-18T15:01:00.000Z

verða jólin búin. Mér finnst einhvernvegin ekki taka því þetta árið að hlakka mikið til þeirra.. ég meina þetta verða bara einum degi lengri jól en venjuleg helgi. Að vanda verðum við akandi um allar sveitir eins og rófulausir hundar.. Selfoss á þorlák, Reykjavík aðfangadag, Foss jóladag og Þykkvibær á annan... *dæs* ég verð bara þreytt við tilhugsunina. Svo er ég ásamt hinni nýbökuðu móður Ragheiði Guðnýu búnar að festa áramótafílinginn.. jeij ég hlakka eiginlega meira til þess heldur en ferðalaganna ;)

svo sá ég þennan ógurlega skemmtilega *ræskj* leik hjá Freyju svo þegar ég var búin að skrifa í kommentin las ég atriði nr 8. jæja þar sem ég er í jólafríi og barasta að verða búin að öllu.. jú þá ætla ég að dunda mér við að svara ykkur næstu daga ;)

Settu nafnið þitt í comment og ég.......
1. Ég segi þér eitthvað handahófskennt um þig
2. Ég segi þér hvaða lag/mynd minnir mig á þig
3. Ég segi þér hvaða bragð minnir mig á þig
4. Ég segi þér eitthvað sem meikar bara sens fyrir mig og þig
5. Ég segi þér fyrstu ljósu minninguna mína af þér
6. Ég segi þér á hvaða dýr þú minnir mig á
7. Ég spyr þig að einhverju sem ég hef velt lengi fyrir mér um þig
8. Ef þú tekur þátt í þessu þá verður þú að setja þetta á bloggið þitt..!!

svona ekki vera feimin... eina skilyrðið er að ég þekki viðkomandi meira heldur en bara í sjón.. hehe

p.s er ekki liturinn úti nokkurnvegin svona???

ógileg fyndið mamma...

2005-12-13T16:41:00.000Z

sagði Matthías áðan þegar hann kom af leikskólanum, ég reyndar veit ekki hvað var svona fyndið en mér fannst það fyndið að honum þætti eitthvað ógilieg fyndið.

Annars er lítið að frétta NOT.... ÉG ER NEFNILEGA BÚIN Í PRÓFUM. Bara svona til að segja ykkur það, mín er bara komin í jólafrí.
Það er svo sannarlega ánægulegt. Já og svo fékk ég að vita hver leynivinurinn minn var í leynivinajólasveinavikunni um daginn.. og það var engin önnur en hún Guðrún Lilja, og ég fattaði það alveg sjálf... ja eða svona næstum því. Frá henni fékk ég í gjöf, jólasveina sokka, tvær happaþrennur og ég vann hundrað kall á annri og svo ótrúlega sniðuga sköfu fyrir bílinn sem á er fastur jólavetlingur svo manni þurfi ekki að verða kalt á höndum þegar maður skefur bílinn. Jebbserrínó..

Hikk hikkkk...

2005-12-11T18:15:00.000Z

Jólakaka
1 bolli vatn
1 bolli sykur
4 stór egg
2 bollar þurrkaðir ávextir
1 teskeið bökunarsódi
1 teskeið salt
1 bolli púðursykur
1 bolli sítrónusafi
1 bolli hnetur
1 FULL flaska af Grand

Smakkið Grandið til að vera viss um að það sé ekki skemmt.
Takið stóra skál.
Athugið Grandið aftur til að vera alveg viss um að það sé ekki skemmt.
Hellið í einn bolla og drekkið.
Endurtakið.
Kveikið á hrærivélinni, hrærið 1 bolla af smjöri í stóra, mjúka skál.
Bætið 1 teskeið útí og hrærið aftur.
Athugið hvort Grandið sé nokkuð farið að skemmast, fáið ykkur annan bolla.
Slökkvið á hrærivélinni.
Brjótið tvær fætur og bætið í skálina og hendið út í bollanum af þurrkuðu ávöxtunum.
Hrærið á kveikivélinni.
Ef þurrkuðu ávextirnir festast við hrærararrarna losið þá þá af með rúfskjárni.
Bragðið á Grandinu til að athuga brestgratið.
Næst, sigtið 2 bolla af salti.
Eða einhverju.
Hverjum er ekki sama.
Athugið Grandið.
Sigtið sítrónusafann og teygið hneturnar.
Bætið einu borði, skeið af sykri eða eitthvað.
Hvað sem þú finnur nálægt.
Smyrjið ofninn.
Stillið kökuformið á 250°.
Gleymið ekki að hræra í stillaranum.
Hendið skálinni út um gluggann.
Athugið Grandið aftur.
Farið að sofa.
Finnst nokkrum hvort sem er ávaxtakökur góðar?

ég á son

2005-12-07T18:04:00.000Z

sem er alveg hreint ótrúlegur sem dæmi þá:

Fyrrirgefur mér það seint þegar hann kemur úr dekurferðum til ættingja úti á landi. Ég má ekki tala við hann, horfa á hann eða gera neitt sem hann mögulega getur haldið að tengist sér, fyrstu klukkutímana eftir að hann kemur heim. En svo um leið og hann sofnar kúrir hann sig upp að mér og bræðir mann alveg.
Hann á uppáhalds föt, sem bæði eru buxur sem hann heldur statt og stöðugt fram að séu Bubba byggir buxur, skiljanlegt með aðrar þar sem ég glopraði því einhvertíma út úr mér þegar hann vildi ekki fara í föt. Þær buxur eru dökkbrúnar, flauels, smekkbuxur. En hinar eru gallabuxur með einhverjum kalli á og þær eru víst líka Bubba byggir buxur en hvaðan hann hefur það er óvíst.
Hann fer með duddu og kodda allt, það er eins og að rífa úr honum hjartað að ætla sér að taka það af honum .
Ég spurði hann áðan að því hvað hann heiti, jú jú hann var með það alveg á tæru "Lilja" svaraði hann hátt og snjallt....
Traktorar eru hinn helgi dómur og það að fara að gefa kindum er eitt það frábærasta í heimi. Verst að hann á heima í Grafarvoginum þar sem ekki neitt nema sauðir af öðru tagi.
Hann er að sjálfsögðu mjög "ákveðinn" og "sjálfstæður" er það ekki af góðu... eða var það illa upp alinn og frekur... er víst ekki dómbær á það.
Hann fær stjörnur í augun bara af því að heyra minnst á pabba sinn.. eins gott að sumir standi sig, því hátt yrði fallið!
Hann er bara frábær

Jóla hvað

2005-12-03T13:57:00.000Z

Glámur og Skrámur eru fyrirmyndirnar mínar þessa aðventuna. Nú er annar í aðventu á morgun og ekki er eitt jólaskraut komið upp. Ekki einusinni aðventuljósið... en whoooo cares?? Segi nú ekki annað..

Það sem er skemmtilegra við morgundaginn er að herra Veigar kemur heim á morgun eftir að hafa verið að sjá um sauðféið í Þykkvabænum í nokkra daga.

Annars yfirkeyrði ég mig í gær *dæs* ég hef bara ekki það úthald og ég hafði fyrir mánuði síðan, ég var uppi í skóla að læra frá 9 í gærmorgun til rétt rúmlega 5 og ég var með þvílíkt af aukaslögum í gærkvöldi. Þar af leiðandi er í on holde í dag...

jæja say no more

(hvernig hljómar þetta slettu tal mitt. finnst ég svo ótrúlega menntuð að sletta svona engilsaxneskunni ;))

Jólakort

2005-11-30T20:35:00.000Z

vitið þið að ég og Jón sendum yfir 40 jólakort?!?! 40 x 7 =2100 krónur og svo er það kostnaður við gerð kortanna Y x 40 + 2100 = alla malla margir peningar.

Jæja ég ætla að fara að gera eitthvað í þessari ferilmöppu minni .. æði ekki satt

Espresso!

Þú ert með eindæmum sjálfsöruggur einstaklingur. Þú ert vandvirkur og samviskusamur en lætur það þó stundum eftir þér að fresta verkefnum til morguns. Þú ert á sífelldri hraðferð án þess þó að það hái þér á nokkurn hátt.

Þú ert 30 ml af mikið brenndu eðalkaffi.

Jahhhhaaaa eða ekki... þetta próf tel ég semsagt ekki vera mjög áræðanlegt miðað við nýjustu vitneskju mína um minn andlega og líkamlega stuðul :@0

Jæja það var þá

2005-11-24T22:16:00.000Z

ég er semsagt með :

Truflanir í leiðslukerfi hjartans
Leiðslutruflanir stafa oftast af því að frumuklasi byrjar að senda rafboð utan rafleiðislukerfisins. Einkenni geta verið hraður óreglulegur púls, svimi, máttleysi, mæði og brjóstverkur. Hjartsláttaróregla getur komið bæði í hvíld og við áreynslu.

Ofan á þetta bæti svo álag, stress og kvíði sem gerir það aðverkum að ég fékk ávísað bæði kvíða/þunglyndilyfjum ásamt hjartatöflum. Þær á ég að bryðja fram að jólum þá fer ég aftur til hjartalæknisins.

Hann benti mér á það að segja mig úr einhverjum fögum til að minnka álagið, sem ég hef og gert og mun gera... og hann sagði að ég ætti kannski að fara í hjartaþræðingu. Þá er eitthvað þrætt inn eftir handleggnum á mér alla leið að hjartanu og að þessum frumuklasa og hann brenndur í burtu. Á meðan á þessu stendur á ég að vera vakandi... jamm æ sveritt.

jæja ætla að gera ekki neitt

Eyddi tímanum í ýmislegt!

2005-11-23T22:02:00.000Z

Þá er ég búin að eyða tveim tímum í það að breyta síðunum hjá Mattalingnum og þar sem Lára smitaði mig þá er ég byrjuð á þessari líka .... ussss maður á nú víst að vera að skrifa ritgerð :S

Þvílíkt ástand á einum bæ

2005-11-23T12:14:00.000Z

Jón var veikur í gær með magapínu og læti. Matthías kom úr rörum áðan sem fyrst á það er minnst var virkilega þörf á, þvílíkt slím og ógeð sem rann út úr eyrunum á blessuðu barninu þegar rörin voru sett í. Hann er nú svo vankaður að það er ekki talandi við hann ;) enda farinn að heyra aftur væntanlega ;)
Ég fer til hjartalæknisins á morgun og ég er eiginlega bara stressuð fyrir það...
ÉG er að skila 100% verkefninu allt of fljótt og núna er ég á leiðinni upp á Kjalarnes, af öllum stöðum.

Öskr...... jæja þetta hlítur að líða hjá eins og hvað annað! Ekki satt?!?!?!

það eru nú orð að sönnu

2005-11-21T14:44:00.000Z

að ég nenni ekki að læra, skil á verkefni sjöþúsundogsautján eru núna á föstudaginn og ég nenni því ekki... versta er að það er 100% verkefni. Samt er skilda að mæta í tímana og kennarinn sagði að það gæti haft áhrif á einkunn mætingin í þá.. hvernig getur það passað ef verkefnið er 100%???? Kannski ég fari að lesa verkefnalýsinguna og athugi hvort svarið leynist þar.

Annars þá er litli dýrðardindillinn minn kominn með ansi mikinn orðaforða. Þetta samtal er haft orðrétt eftir en þar sem hann talar örlítið bjagað þá ákvað ég að þýða það fyrir ykkur.

Matti: Mamma, meiri mandarínu
Mamma: nei, ekki meira núna. Kannski á eftir.
Matti: Nei!! (stappar niður fótum) Heimska mamma! Heimski pabbi! (og krossleggur hendur á bringu)
Mamma: obbobbobb... (hugsar hvað í ósköpunum hún eigi að gera í þessari stöðu, íhugar að leifa honum aldrei aftur að horfa á Lottu, en þar sem skaðinn er skeður hvort eð er þá er það trúlega of seint úr þessu.) Heyrðu væni (svara hún svo eftir langa mæðu) á mamma að senda þig inní herbergi eins og mamma hennar Lottu gerði við hana?!?!
Matti: Nei!! (og stappar aftur niður fótum)
Mamma: Jú þú ferð bara víst inn í herbergi ef þú lætur svona.
Matti: má ég fá mandarínu??? (hann ákvað að Lottu taktíkin væri ekki að virka, og prófar því alsaklausa engla svipinn sinn og vippar fram vængjum og geislabaug.) Hvað á maður eiginlega að gera við svona orm?

Svo fer leynijólasveinavikan að byrja í bekknum... svona von bráðar! Eða hvað skemmtinefnd??

Sjæsen pæsen tók mér pásu í að skrifa þetta og talaði við Lilju í nákvæmlega 58 mínútur... úffff mér er bara hálf illt í eyranu..

(ég veit að það eru svoldið væmnar myndir hérna en ... ég er bara komin í svoldið jólakap)

ATH

2005-11-13T21:49:00.000Z

Vinsamlegast kvittaðu hér fyrir neðan ef þú kemur inn á þessa síðu... þeinkjú verrí næs!

Já hún Helena kitlaði mig víst

2005-11-09T08:24:00.000Z

og ég get nú ekki skorast undan að svar því!!! Eða hvað :S

1. 7 hlutir sem ég ætla að gera áður en ég dey.

Sá langömmubörnin mín.
Búa í öðru landi.
Yfirstíga flughræðsluna
Stunda meira jóga
Lifa í sátt við mína nánustu
Eignast hobbý
Lesa meira til gamans

2. 7 hlutir sem ég get

Farið úr rólyndis skapi upp á háa C á örskotstundu.
Snert nefið með tungunni
Haldið á Matthíasi, bílstól (sem hann situr ekki í) skólatöskunni minni, leikskólatöskunni hans, vatnsflösku. OG sko haldi á öllu í einu, og labbað út í bíl :)
Lesið sumar bækur aftur og aftur og aftur og aftur og aftur.....
Gert ekki neitt í ótrúlega langan tíma.
Eldað góðann mat
Eyða peningum ... það get ég sko alveg 100% og gott betur en það.

3. 7 hlutir sem ég get ekki

Haldið aftur af því sem mér finnst... þ.e. sleppt því að segja það sem mér finnst.
Sparað peninga.
Verið sallaróleg heilan dag
Slappað af... allavega þessa dagana.
Flautað mjög hátt með því að nota puttana og beygla tunguna.
Talað um kynjamisrétti og verið "róleg á því"
Hætt að sakna Matta þegar hann er ekki með mér.

4. 7 hlutir sem heilla mig við hitt kynið

Jón Óli
Matthías
Jón Óli
Matthías
Jón Óli
Veigar
Ólafur

5. 7 frægir sem heilla

Orlando Bloom... í sumum myndum...
Viggo kallinn... en bara í sumum myndum
Aðalleikarinn í Troy... En sko í Troy
Gaurinn sem leikur í my best friends wedding.. sko the best friend
Ég verð að viðurkenna að ég man ekki hvað hann heitir né hvaða mynd hann lék í
Æi bara .... ég nenni ekki að hugsa

6. 7 orð eða settningar sem ég nota mikið

Go, go go go....
got it!
thats it!
fjórir auðir staðir fyrir þá sem umgangast mig að segja mér hvaða óþolandi settningar og orð ég endurtek sí og æ.

7. 7 hlutir sem ég sé einmitt núna.

Bækur
borð
stólar
hillur
ruslafötu
tölvu
vatnsflösku

Fólk vill víst fréttir

2005-11-08T15:04:00.000Z

á öllum vígstöðvum vill fólk fá fréttir og síminn stoppar ekki. Híhíhí svo klikkir fólk út með því að segja og hvíldu þig svo.. og svo hringir síminn aftur... nei það er ekkert smá notalegt að finna hversu marga maður á að þegar svona stendur á og þið eruð öll æði.

Nýjustu fréttir eru semsagt þær að núna er ég eins og klukkukonan, ég er tengd við sírita sem á sjúkrahúsamáli er víst kallaður "holter" Ég fékk hann um eitt í dag og verð með hann þar til 11 á morgun og hann tekur upp hjartsláttinn minn þangað til.
Konan sem setti hann á mig sagði svo; " svo hagarðu þér bara eins og venjulega, og ef það er einhverjar aðstæður þar sem þú veist að hjartað fer að haga sér undarlega þá endilega gerðu það" Hún semsagt vill hels af öllu að ég fái eitt enn kvíðakastið...!!!! Neeee kannski er ég að leggja of mikla merkingu í orðin hennar.

Ég er annars búin að vera sæmileg frá því á laugardagsmorgun, nema ég þarf að eyða allri minni orku í það að halda aftur af kvíða/ofsláttarkasti á kvöldin. Það er alveg ferlegt að vera að fara að sofa, liggja milli svefns og vöku og fá svo adrenalín skot neðan úr maga, það er svona tilfinning eins og þegar þú lendir næstum í bílsslysi, eða þú horfir á barnið þitt detta næstum niður stiga... æi svona bara adrenalín skot sem skýtur "vakn þú og vertu viðbúin" skotum um allan skrokkinn.
En ég er að vinna í því að slaka betur á fór í nudd í gær, og í dag, fór svo og fékk mér slökunardisk, þar sem góði diskurin minn er alveg týndur. Ég fékk mér líka hjartaslakandi steina, sem kannski gera ekkert gagn, en ef ég næ að ljúga því að mér að þeir geri gang... jú þá eru þeir trúlega farnir að gera gagn ekki satt???

úfff.. þetta eru nógar fréttir í bili... kv Brynja klukkukona

Jæja

2005-11-05T12:13:00.000Z

Ég er kominn heim aftur eftir mjög góðan nætursvefn og vondan morgunmat í boði skattborgara íslands og landspitala háskólasjúkrahús.

Þannig er nefnilega mál með vexti að í gær var allt í sóma, svo fórum við og fengum okkur að borða á KFC (reyndar nefndi ég það við jón að það væri kannski ekki sem best fyrir hjartað að éta þar... en ég fékk mér nú salat... hehehe) Jæja þegar heim var komið gerðum við aðra tilraun til að horfa á þá hrikalega leiðinlegu Stuðmanna mynd "í takt við tímann" alveg hræðileg mynd alveg hreint...

Eníhá þegar við vorum að horfa og ég lá uppi í sófa fór hjartað að slá aftur svona hratt, og ég náði ekki að róa það niður þrátt fyrir trix sem lækninn kenndi mér þegar ég var uppi á spítala nóttina áður. Again hringdi jón niður á bráðamótöku og þau sögðu okkur að ef kastið væri að koma svona aftur ættum við bara að koma niðureftir. Sem við og gerðum, þegar þangað var komið var mér reddað rúmi ég sett í monitor, og hjarta..slaga... mælitæki (hvað heitir þetta eiginlega sem í öllum lækna myndum/þáttum er tengt við sjúklinginn og heyrist svona reglulegt blíbbb í því, svo þegar hjartað breytir um takt fer taktur blíbbsins að æsast?) sem af gefnu tilefni gefur ekki blíbb hljóð frá sér, ja nema þegar maður fer yfir eitthvað visst í slögum, sem ég og gerði.
Ég var bara þarna, orðin frekar slök og bara næstum að sofana þegar hjartað bara rauk af stað og fór upp í 160, sem betur fer ekki alveg jafn slæmt og í fyrrinótt.
Okei til að klára söguna þá eyddi ég nóttinni á spítalanum svo þau gætu fylgst betur með hjartslættinum, og ég svaf ekkert smá vel eftir eina róandi ;) Svo var ég send heim með vottorð fyrir töflum sem eiga að "rétta af hjartsláttinn" og eiga þær að duga þar til ég fer til hjartalæknisins í enda mánaðarins.
Jamm þetta er sagan í dag, vonandi verður þetta ekki eitthvað svipað á morgun.

Kv Hjartans hugljúfa Brynja

það á nú ekki af mér að ganga svei mér þá

2005-11-04T15:21:00.000Z

Ég er komin heim heil á húfi.
Bíddu var eitthvað að þér gæti fólk spurt og ég get svarað því að það var svo sannarlega eitthvað að mér.
Ég var að fara að sofa um hálf þrjú í nótt og þegar ég var milli svefns og vöku ætlaði hjartað að hoppa út um brjóstkassann á mér. Ég kólnaði öll upp og dofnaði í höndunum, jæja svo leið tíminn löturhægt og ég var búin að róa mig niður, haldið þið ekki að þetta hafi bara gerst aftur sisvona, mér leist nú ekki á blikun þar sem ég dofnaði aftur upp, varð köld á vörunum og fannst eins og hjartað hægði á sér eftir þessa kippi.
Ég vakti jón með látum og staulaðist fram í stofu þar sem ég lagðist á gólfið, skalf og nötraði, og á mér spratt út flóð af köldum svita. Jón Ólafur sem kallar mig stundum svoldið móðursjúka var nú ekkert að æsa sig yfir þessu, ekki einusinni þegar ég sagði honum hvað gengi á og "bað" hann að hringja á hundrað og tólf og fá sjúkrabíl í kvelli. Sem hann og gerði, einnig bað ég hann um að hringja í Gussann til að koma og vera hjá Matta.
Sjúkrabílakallarnir komu og mældu hjarta...slögin mín.. eða eitthvað svoleiðis og sáu að það var eitthvað í gangi þarna einhver aukaslög inni á milli. (En svo heyrði ég annan segja "hún er með fín lífsmörk" Gott hugsaði ég, ég lifi þá ferðina á spítalann.. hehe.) Jæja brunað var með mig niður á bráðamótöku og jón kom á okkar bíl á eftir.
Vissuð þið að súrefni er ótrúlega kalt beint í nefið.
Á spítlanum var ég skoðuð utan sem innan (reyndar bara blóð að innan) og allt í keyinu nema fyrir þessi aukaslög. Svo var mér gert að leggja mig bara!!! Bara tjilla.
Svo þegar það var alveg að takast eftir að ég var búin að telja kassana í loftinu nokkrum sinnum rauk hjartslátturinn alltíeinu frá 100 upp í 180!!! sko til að setja það í samhengi þá er lofthræddur maður sem er að fara í teygjustökk með svona 200 slög.
Jebbserrínó ég var bara eins og aðalgestaleikari í ER eða House frekar þar sem fólk vissi ekkert hvað var að mér. En svo skrapp Jón í burtu og ég var tekin til yfirheyrslu... hann spurði mig út í líf mitt og annað en að lokum spurði hann "er eitthvað fleyra sem þú vilt segja mér? Nota kannski tækifærið núna?" (læknir gítur augum á stólinn sem jón sat á) .....
Jæja en í dag dag.. þ.e eftir að sólin kom upp þá náði ég loks að sofna... í smá stund eftir að vera ´buin að fá róandi, róandi og hjartaslagastillandi 3. og ég svaf í svona ummmm 2 tíma! Greit ekki satt.
áður en ég fór fékk ég svo að fara í hjartasónar og skoða í mér hjartað.. magnað fyrirbæri alveg hreint!
Læknisgreining STRESSSSSSS og Langtíma streita!

Jæja ég á að hitta hjartalækni í enda mánaðarins og ganga með hjartasírita í sólahring... ælti það verði daginn fyrir skil á verkefni svo þeir fái raunsanna mynd af streði leikskólakennaranema ;)

Jæja ég ætla að leggjast með tærnar upp í loft að læknisráði og ég þarf vart að nefna það að ekkert verður úr afmælisveislum um helgina.

Kv Brynja stresss

Vúppídú

2005-11-01T21:51:00.000Z

Hef ekki komist til að sækja myndirnar af Mattalingnum en ljósmyndarinn sendi mér sýnishorn:

Fönn fönn fönn fönn íslensk fönn

2005-10-29T11:22:00.000Z

já svei mér þá ef það ætlar ekki bara að haldast snjór hér á suðvestur horninu einn heilan dag.

Síðan ég flutti til Reykjavíkur man ég ekki eftir öðrum degin (heldur en í gær) þar sem snjóaði allan daginn. Ef það hefur komið fyrir áður síðustu 4 árin þá hef ég klárlega verið fyrir austan og því ekki orðið vitni af því.
Annars vorum við spræku mægðin að koma inn úr snjónum. Matthías skemmti sér svo vel úti að ég þurftir næstum að draga hann inn aftur, og var það grátur og gnístan tanna þrátt fyrir að honum væri svo kalt á puttunum að ég var orðin hrædd um að þeir myndu detta af!!!

Annars fór ég með dýrgripinn í myndatöku á fimmtudaginn, það gekk svona upp og ofan, aðalega ofan frekar en upp. En ég fer og sæki myndirnar á mánudaginn og ég hlakka ekkert smá til ;) hér getið þið séð heimasíðu ljósmyndarans

En nú þarf ég að fara að lesa um open material, holowkubba, running records og videotökur :) einstaklega ánægjulegt!!!

svo að lokum: sjáið hvað var búið að gera við bílinn minn í morgun þegar ég kom út!!!!

kv Brynja

Í gær

2005-10-25T22:43:00.000Z

já í gær þá gerði ég þetta:

Fór með Matta á leikskólann
Fór í skólann
Sat í tíma, fór út úr honum til að svara í síma, fór aftur inn, fór út að leita að fjöltengi, fór aftur inn og var svo búin.
Fékk mér gott að borða með bekkjarsystrum mínum í tilefni dagsins.
Fór upp í skóla og týndi næstum lyklunum hennar Maríu... hélt þar af leiðandi að hún myndi drepa mig.
Hringdi í Jón til að minna hann á að sækja Matta á réttum tíma.. ekki vil ég leikskólakennaraneminn sjálfur lenda í bálreiðum leikskólastarfskonum á kvennafrídaginn niðri í bæ ef Jón myndi gleyma barninu. En að sjálfsögðu getur hann hugsað sjálfstætt, þrátt fyrir að ég reyni að halda í vonina að hann geri það ekki.
Fékk afhent áfram stelpur/leikur er mennt spjald frá spjaldaframleiðendum bekkjarins.
Labbaði að Skólavörðuholti í fylkingu kennaraháskóla-starfsfólks og nema.
Týndist næstum í konum..drukknaði næstum í konum...
Reyndi að ná í Írisi í síma í uþb klukkutíma og gekk ekki en á meðan hittum við nokkra aðra af algerri tilviljun, en ekki fann Íris okkur, fyrr en seint og síðarmeir.
Var sökuð um að eyðileggja hlaupahjól.. þar sem ég var ranglega borin sökum.
Flaut með straumnum niður að Lækjartorgi, já ég komst sko þangað. Þar sem ég ásamt spjaldagerðar/bekkjarsystrum mínum, gafst upp á því að vera í þvögunni og fórum á Kaffi Viktor.
Labbaði aftur út í skóla og fraus næstum í hel á leiðinni.
Kom heim dauðlúin og þrekin og hvað haldið þið?? ÉG ÞURFTI AÐ ELDA MATINN

jammm... svona var dagurinn í gær!

Áhugaverður ekki satt.

Skrattakollurinn

2005-10-22T15:03:00.000Z

þessi auglýsing átti nú ekki að koma með myndinni þarna inn.

Ég er orðin spennt fyrir mánudeginum, sveimérþá, ætlum að labba saman bekkurinn og of corse mest allt kvenkynið í skólanum. Upp að skólavörðuholti og þaðan förum við svo með heila genginu í gönguna ... genginu í göngu..

ég er búin að vera að reyna að muna lagið... en get bara munað "þori ég, get ég, vil ég" ég er ekki einusinni viss um það þetta sé rétt hjá mér en ég gúggla það bara... maður getur gúgglað allt ekki satt??

Annars er drengurinn slappur og Jón í skóla/vinnu eða vinnuskóla bæði held ég bara... nema hann sé hjá viðhaldinu.

Hvernig er svo aftur textinn í kirtaninu... man það einhver ??? nú er ég búin að sofa á því og man hann ekki, eins og ég söng hann nú mikið í gær.

Jæja vonandi fæ ég svör við öllum þessum spurningum, svei mér þá barasta

Brynsukot

oooolrætíþenn

blogg smogg

bara allt að gerast

Árshátíð ótrúlegt stuð

Eins gott fyrir ykkur að passa upp á þetta!

íbúðin er komin á sölu

klikkaðir trúðar

sko

Vítamín...

Fleiri fréttir

af mér og mínum

Happy happy joy joy

ömurlegt!!!

abrakadabra ný tölva!

okei okei ..sko

HM í Handbolta!!

Ef heimurinn....

spælingar pælingar

Gleðilegt ár!!! og allt það

Gleðilegar hátíðir

jibbí skilbbí

á að vera að læra undir próf...

Annar í sunnudagur í aðventu

Próf próf síðustu jólapróf!!!

Mánuður í jól!!

Jámm senn líður að jólum

þá er því lokið

Það er að stigmagnast..

í ljósi gæludýra-umræðna

Morgunstund gefur gull í mund

myndir

tryllingslega fyndnar myndir

long time no....

Langt er síðan síðast..

jæks!

Ég er næstum enn södd..

vefrúntur kveldsins

Menningardagurinn í dag

spurning hvort hafi verið logið að mér í æsku?

Alltílæ

Ég vildi bara láta vita að ég er ekki látin...

*dohhh*

Lurkum lamin og ég veit ekki hvað

Æi eitthvað

Ótrúlega gaman um helgina!

Maí myndum 3

Maí í myndum 2

Maí í myndum 1

aðfaranótt mánudagsins 15. maí 2006

Jæja

fékk þetta á emil um daginn

ummmmm

Ahhh finaly

í dag kom sumarið

7 atriði fyrir daginn í dag

ahhhh langþráður dagur..

Helgin er liðin.. enn eina ferðina

frumbl

ó ó æ æ aumingja ég!

í dag er ég

Alveg magnað

Alla malla

hohoho

tuttugasti og fyrsti febrúar

Íbúðarkaup, atvinna og jórturleður

Jamm ég er víst enn hér ;)

Svoldið kúl

Já svona er maður víst!!

Ich bin Spiderman

hugvekja dagsins

Ljómandi helgi liðin

Enn einn leikurinn..

Undirskriftalisti útaf DV málinu

Verðandi leikskólakennari eða hvað?

What to do what to do...

Góða kveldið

Kveðja frá mér og mínum

ekkert jólaskap :(

að nokkrum dögum liðnum

dohhh